周潤發亂入《飛虎》駁火現場

贊助商連結

周潤發(發哥)唔經唔覺已經六十二歲,現時佢已經半退休上岸,所以周不時去行山同埋逛九龍城街市買餸,偶然又會同啲市民selfie吓、吹吓水,都幾疏乎!早前,佢喺加拿大拍完電影《無雙》外景,即休息番一輪。

日前,東姑去咗觀塘飲茶,咁啱就野生捕獲到發哥。當日例牌一身黑嘅發哥,雖然低調,但仍難掩佢六呎高嘅模特兒身形。佢行到去鴻圖道附近時,仲走向邵氏網劇《飛虎極戰》班crew度打招呼,結果個個螞蟻摟蜜糖咁,紛紛搵佢「集郵」。

由於當日《飛虎》拍嘅係重頭駁火戲,所以有唔少演員在場, 包括:吳卓羲、周志文、陳國峰、王浩信細佬王瑋彤等。期間仲有啱啱拍咗新戲《一拳成名》 嘅李逸朗(Don),都「亂入」埋一份。事後,陳國峰就透露:「嗰日,我哋飾演嘅O記要同班恐怖分子駁火,拍咗成朝。發哥咁啱經過,都有過嚟打招呼,但嗰時我已經埋咗位,所以我冇搵佢合照,其實都冇乜人同佢合照到,之後發哥仲話:『喂,唔阻住你哋開工喇!』但都有鼓勵吓我哋。」得到發哥嘅鼓勵之後,東姑發現台前幕後都拍到零舍醒神,不愧係「民間特首」!

日前,發哥現身觀塘鴻圖道,咁啱撞到網劇《飛虎》開工,佢即四萬咁口同大家打招呼。

 

呢日吳卓羲(左)、周志文(中)同陳國峰(右)飾演嘅O記,要跟恐怖分子駁火,場面緊張。

 

向來親民嘅發哥,當有工作人員要求自拍合照時,馬上有求必應。

 

未換上O記制服嘅吳卓羲,先同劇組人員打吓牙骹,熱身一番。

文章標籤

創作者介紹
創作者 tvb4life 的頭像
tvb4life

明星八掛大分享★☆

tvb4life 發表在 痞客邦 留言(0) 人氣()