李霖恩栽培新人

贊助商連結

前保安局局長李少光嘅三十八歲獨仔李霖恩,讀無綫第十七期藝訓班入行,佢絕對係創香港官二代加入娛圈嘅先河。當時,東姑仲以為佢可以子憑父貴;點知佢入咗行十六年,做嚟做去都只係綠葉一大塊,而最多戲份要算係處境劇《愛•回家》嘅樓尚友。

事業唔係咁順,但係感情就好得意,李霖恩喺〇八年就同拍拖多年嘅女友結婚,又分別喺〇九同一二年,生咗一女、一仔,生活美滿。日前,東姑就見到呢位廿四孝老公,去咗奧海城嘅超市買餸。買之前,佢先打個電話畀老婆,睇下對方想食乜,跟住再攞上手睇下新唔新鮮。李霖恩同東姑講,早排同兩個朋友開咗間經理人公司,預計將會好忙,趁o依家有啲時間就多啲陪屋企人囉!

李霖恩啱啱開咗間經理人公司,預計將會忙到甩轆,所以呢日就專登去超級市場買餸,返屋企煮飯仔,盡量抽時間陪屋企人。

 

成個住家男咁款嘅李霖恩,好細心揀選新鮮嘅生果。

 

廿四孝老公嘅李霖恩,不停打電話畀老婆,問下對方想食乜嘢餸?

 

李霖恩喺〇八年結婚,之後仲生咗一女、一仔。

全站熱搜

tvb4life 發表在 痞客邦 留言(0) 人氣()