壹科林

好玩的舊瓶新酒  Apple Watch新 OS奇兵助陣

贊助商連結

蘋果的第三代 Apple Watch早前正式發表,雖然 LTE版本仍未到港,不過配搭全新 watchOS 4,一樣好多新玩意,之不過用緊上代 Apple Watch的用家,亦都毋須失望,因為只要升級 watchOS 4,同樣有得玩。

 

 

Apple向來注重細節,今次解鎖介面變大,簡單,又實用。

第三代 Apple Watch外形其實跟早兩代未有太大分別,雖然有嶄新的 LTE版本,可以獨立連線上網,不過香港仍未有推出日期,但查實第三代 Apple Watch最吸引用家的地方之一,是內置全新的 watchOS 4,最重要是新 watchOS人人都有份,就算用緊上兩代的 Apple Watch,只要透過升級,一樣有得玩。
雖然每次升級 watchOS都要等一大餐,不過今次就絕對值得,因為升級之後,打開隻錶,就會見到解鎖畫面的數字變大,是新 watchOS第一個為用家帶來的驚喜。絕對不要睇小此個小改動,當每次都要在丁寸大的屏幕輸入密碼,尤其愈來愈多「成熟」用家轉用 Apple Watch,睇得清楚,好緊要。

錶面加入多位反斗奇兵角色,是新 watchOS相當「重要」的項目之一。

每次點選屏幕,角色都會有不同的動作,非常有心思。

可以轉換不同的資訊顯示,令實用性更高。

而另一個萬眾期待的新功能,是加入一眾反斗奇兵主角的錶面,過去只得米奇「包場」的情況不再出現,新入主的包括巴斯光年、胡迪、翠絲及驢仔,不但可以幾位同時出場,仲可以揀個別角色。而每個角色都有多段動畫,點一下屏幕就會轉換不同動作及場景,兼且可以設定更多資料顯示方式,好睇又好用。
由初代 Apple Watch發表之時,已經具備測心跳功能,在新 wathcOS中,將心跳介面更進一步,當中即時心跳介面,可以同時睇到之前最高同最低的心跳次數,另外更有靜止心率同平均步行心跳。而向來視運動手錶為目標的 Apple Watch,當然不會忽視運動功能方面的更新,於體能訓練中加入 HIIT項目,令計算心跳率更加準確。

偵測心跳介面大幅改動,可同時查看靜止心率及平均步行心率。

除了即時心跳率,亦能夠睇到過去時間的最高及最低心跳率。
撰文:劉耀祥
攝影:廖健昌
features@nextdigital.com.hk

tvb4life 發表在 痞客邦 留言(0) 人氣()