的士司機匯報收六毫貼士
麥明詩呻地址車程全公開

贊助商連結


■麥明詩噚日話希望推行電子收費,搭的士唔會再有爭拗。

麥明詩日前喺尖沙嘴搭的士去佐敦漾日居,畀的士司機喺facebook出post,話全程車資44.4元,找錢嗰陣,麥明詩冇收毫子。麥明詩前晚電話回覆話:「其實成程的士都好順利,冇任何拗撬,應該係其他藝人po過話的士司機唔找足,所以佢保障自己,話自己有找足零錢,係我自己話唔要零錢。」而王喜喺今年8月就出post講搭39.3元的士,不滿司機只找60元。


■的士司機喺facebook貼圖,話麥明詩唔收毫子。


■87歲嘅潘迪華(中)由麥明詩扶着上台領獎。


■李家鼎獲頒飲食旅遊書獎項。

潘迪華勉勵港人

噚日麥明詩到鑽石山為閱讀頒獎禮任頒獎嘉賓,負責頒獎畀潘迪華、東方昇、伍家謙同李家鼎等,佢重提的士找贖事件:「有啲無奈,我覺得香港人特別鍾意對立,其實成個搭車過程我哋都冇爭拗。」麥明詩話平時都習慣咗找錢只要整數,但唔介意對方咁做,不過佢話:「希望下次唔使咁詳細講我個地址出嚟,如果可以早日推行電子收費,就唔使有呢啲爭拗啦。」
麥明詩喺活動分享話有諗過出書,不過暫時冇靈感,可能會寫娛樂圈題材,希望將來可以寫劇本。另外,現年87歲嘅潘迪華獲頒「最佳文史哲書」,台上講到發現時下香港人生活得唔開心,寄語年輕人多睇書,做好本份,多啲笑容。
撰文:馮仁昭

麥明詩唔收$0.6反遭出賣住址

港姐麥明詩向來「惹火」,勢估唔到連搭轉的士都「中槍」!事緣日前她搭的士後被司機於社交網貼文,指是她稱不用找回6毫子。這個被視為「自保」的「的哥」貼文引起網民議論,而麥明詩對於行蹤及住址被公開感不快,更說:「第日去一啲唔見得光嘅地方,都唔會搭的士!」



麥明詩強調搭的士期間沒有爭拗,對住址被洩感無奈。

「十優港姐」麥明詩(Louisa)向來是網上活躍分子,不時語出驚人,不過今次卻老貓燒鬚,遭網上「洩密」,搭轉的士都無辜被洩露住址及行蹤,認真躺着也中槍。最近Louisa忙於拍攝無綫新劇《是咁的,法官閣下》,可能太忙沒精神揸車,故搭的士代步,不料接載她的司機事後於Facebook有關的士司機的群組中貼文表示曾接載「前過氣港姐麥x詩」,之後改稱她為「麥x詩」來留言:「1440接載『麥x詩』由尖沙咀加拿分道去佐敦xxx,全程車資$44.40,你畀$100我找番$55.6畀你,係你話唔要$0.6散紙。特此聲明。」不知是否因藝人王喜曾於社交網上載的士收據照,暗指的士司機少找7毫的事件,令今次接載Louisa的司機為免之後有爭拗而貼文自保。

強調冇同司機爭拗

不少網民對此紛紛留言,有人撐Louisa指的士司機無聊:「咁都要開Post?又想挑起事端!」亦有網民留言指的士司機「冇品咗啲!」更有人替Louisa不值,無緣無故中流彈!不過亦有網民力撐司機做得對:「唔找錢好易畀班麻煩友抽水!」

事後Louisa亦有轉載的士司機的貼文,留言回應:「其實呢,用電子收費大家咪唔使煩囉。十年唔搭一次的士,一搭就出事。其實好似唔關我事。躺着也中槍。feeling rough。」而她昨日出席活動時坦言很無奈,最不開心是行蹤被公開:「依家香港人好似好鍾意對立,其實成個搭的士嘅過程都冇出現爭拗,佢找$55.6畀我,我話零頭$0.6唔使,可能佢擔心我會話佢冇找錢,出於保障自己而發文。」

日後選擇性搭的士

問Louisa可會對搭的士有陰影?她笑說:「唔會,不過有啲唔開心係畀人公開咗自己嘅行程,如果第日去啲唔見得光嘅地方,都唔會搭的士,會自己揸車,哈哈。」

活動上,Louisa表示有興趣寫書,但現時未有靈感及自覺不夠料,會先於網上寫文章,或許日後可結集成書:「最有興趣寫關於娛樂圈嘅書,因為外間對娛樂圈好多誤解,覺得藝人好風光,或者覺得娛圈好黑暗,其實好多人都好努力、好用心工作。」而活動後,她沒有再搭的士,而是自行駕車離開。

文:影視組

言論惹火為師妹爆粗護航

麥明詩相當關注社會議題,亦不時在社交網發表惹火言論,未知是否「敢言」形象嚇窒「的哥」,引發今次「6毫事件」。其實過往麥明詩的出位言論經常成為網上熱話,如今年4月有傳藝人陳美齡將會出任教育局局長,她即發文指擁有外國大學碩士學位的母親亦有資格勝任,更揚言母親可做特首。



麥明詩於活動後駕車返電視城。

另外,去年10月香港天文台曾發出黑色暴雨警告信號,Louisa在社交網上載自己狼狽上車的片段,留言:「個黑雨可唔可以早少少!」似對天文台發布訊息速度有微言。同年9月,有指當時的出爐港姐冠軍馮盈盈在網上連環爆粗發表激烈言論,身為「師姐」的Louisa在公開場合力撐對方說:「好多說話比粗口仲難聽。」之後再於網上為對方護航,指馮盈盈突然變成傳媒焦點承受不少壓力。

而早前有立法會議員被質疑事務律師的執業資格,Louisa在網上發表疑似「抽水」言論,轉載小童執葉照片並留言:「我都有喺英國執葉。」

林作替舊愛不值 馮盈盈籲尊重藝人

同樣港姐出身的馮盈盈(Crystal)最近與麥明詩在無綫節目《#後生仔傾吓偈》中勁講惹火言論而成為焦點。對於麥明詩被的士司機公開行蹤,Crystal戥好友無奈,並說:「嗰時仲選緊港姐,個司機認得出我,傾傾吓佢仲話都有接過麥明詩,仲順手講埋佢住邊,嗰下我就諗自己第日都可能係畀人講嗰個。我都希望其他人會尊重藝人,唔好亂咁公開啲私隱。」問有否試過坐的士遇不快事,她表示沒有,反而試過在的士後座遺下車匙,幸獲好心「的哥」花足一晚時間幫她尋回。

至於麥明詩前男友林作表示於社交網留意到「6毫事件」,他直斥該司機無聊:「男人老狗唔需要Post埋晒呢啲閒嘢,真係極度無聊,咩都Post出嚟,把鬼咩!」

藝人打的是非多

不少藝人搭乘的士時,都曾與的士司機發生爭執,鬧出不快事件!

藝人王喜今年8月在社交網上載的士車資收據及鈔票照,留言:「香港的士司機的算術100-39.3=60」暗指司機找少7毫,有的士司機質疑他當時未有要求司機找足錢而引起誤會。其後王喜在網上回覆:「除非你能證實我遇到的司機並非香港的士司機,否則你無法否定我的客觀陳述。」

歌手吳國敬今年8月,跟疑拒載的的士司機罵戰驚動警方,警員了解後勸他息事寧人,原本他接納不追究,但仍被司機大罵「人渣」。事後他在網上公開該的士司機的相片行車證洩憤:「人渣司機,XXX拒載……大家認住佢。」

歌手李蘊先後於2015年及2016年因指的士司機濫收5元行李費而在社交網鬧爆。第一次事件中,她嬲爆將司機的行車證放上網,遭網民圍插港女及不應公開司機名字。事隔一年又「歷史重演」,她今次發放司機背面照,有網民力撐。

    文章標籤

    麥明詩

    全站熱搜

    tvb4life 發表在 痞客邦 留言(0) 人氣()