東京求婚成功 林子善自爆曾逼未婚妻分手

贊助商連結

林子善今年二月在東京求婚成功,為了迎娶拍拖五年的圈外女友董佩欣(Kary),既出動廿多萬鑽戒打動芳心,又會於下月到馬爾代夫拍婚照,並在明年四月於將軍澳一酒店筵開五十席。

貴為四間茶餐廳老闆、有兩樓揸手,又拍劇又當健身教練的子善,要為結婚豪花百萬,照計應該綽綽有餘;然而,他卻對本刊表示,至今在經濟上,仍未有能力照顧老婆,又自爆去年因這個想法,曾一度逼Kary分手,結果在唐詩詠開解下,主動箍煲,才o氹回對方重投懷抱。「女友阿爸阿媽鬧到我狗血淋頭,話我諗多咗!」

林子善日前在其大坑的冰室,忙足半天後,趁着午市和下午茶間的小空檔,匆忙坐下來吃意粉醫肚。

 

不堪壓力

向女友Kary求婚成功,即將成為人夫的子善,雖然下月會到馬爾代夫拍結婚照片,但近日,他只要不用為拍劇開工,或不用教健身時,便會在其大坑的龍鳳冰室看舖,一時在樓面落單執枱,一時又到後舖搬運食材和清洗碗碟,相當賣力。

當下,子善既是無綫穩紮綠葉,又是持牌健身教練,兼坐擁四間茶餐廳,還有屯門藍地村屋和東涌東環兩個物業揸手,但他接受本刊訪問時,卻聲言至今仍未有能力照顧準林太。「我諗嘢好負面,喺呢行又見過太多人三衰六旺,所以我成日覺得我o依家擁有嘅嘢只不過係浮雲,好多嘢都話唔埋,即係好似舖頭加租,咁都已經好難做啦!」

他透露,去年便曾因這些負面思想,加上女友家人的催婚,感到壓力沉重,遂向Kary提出分手。「我話不如暫時分開吓,諗吓係咪適合對方先啦!點知(分開了)一個月,我已經頂唔順!」此時,在《鐵馬尋橋》中飾演他妹妹而成知心好友的唐詩詠,便一言點醒。「阿妹話:『阿哥,你咁樣都唔搵番佢返嚟,佢真係嬲死你,更加唔會返嚟你身邊呀!』咁我咪扚起心肝追番佢返嚟囉!

「然後佢老竇老母鬧到我狗血淋頭:『你諗多咗啦!我哋唔係要你好有錢o架!』佢哋份人真係好好,唔會睇錢好重,所以教到個女都好好!喺咁嘅年代,有個咁有修養嘅女仔,好難得!我真係好欣賞我(準)老婆!」

子善說,求婚期間,女友一直「喊到飛起」。「我跪低叫佢嫁畀我,都唔知佢聽唔聽到!哈哈!」

 

讓Kary點頭下嫁的求婚戒指,鑲有1.6卡鑽石(黃圈),價值廿多萬。「粒石太細,老婆啲朋友睇到,唔好睇嘛!」

 

跟Kary拍拖五年,去年子善曾因自卑和催婚壓力,向她提出分手,猶幸得唐詩詠勸導,他才發力箍煲,最終贏得好老婆。

全站熱搜

tvb4life 發表在 痞客邦 留言(0) 人氣()