向海嵐古裝恭迎胡定欣

贊助商連結

向海嵐(Anne)擔正做「女一」嘅音樂劇《我和青天有個秘密》,早排喺新光戲院公演,之前佢忙住排練,唱歌同跳舞都要兼顧,搞到壓力爆煲,要拉筋減壓,仲睇埋中醫食鹹竹蜂養聲,可見佢對呢次演出非常着緊。

其實,講到紓緩壓力,最好莫過於有朋友嘅支持同鼓勵,好似早排演出首場,就見到Anne有唔少friend專誠來撐場,其中之一,就係好少可出席呢啲場合嘅胡定欣,就此可見佢哋嘅交情深厚。

嗰日定欣仲一早去到戲院,見老友咁畀面,阿Anne亦唔怠慢,着埋古裝戲服喺門口恭迎,兩個一見面又攬又抱,非常好姊妹咁樣。大家可能感覺佢哋兩個大纜都扯唔埋,查實佢哋係識於微時,話說十幾年前,定欣啱啱出道拍劇時仲係做啲「二打六」角色,而向海嵐已經係「女一」、「女二」;不過,身份地位無礙兩人交往。雖然,定欣今時唔同往日,已貴為「視后」,但佢出名係義氣仔女,好友Anne擔正,佢梗出嚟撐啦!

定欣畀面撐自己場,阿Anne着住戲服都急急腳步出戲院門口迎接。

 

睇得出Anne同定欣感情深厚,一見面即攬到實一實。

 

Anne好熱情咁拖埋定欣影合照,難得老友畀面捧自己場嘛。

 

定欣啱啱出道拍劇做閒角時,已經認識Anne,佢今次捧場係戥人高興,但一樣咁開心。

全站熱搜

tvb4life 發表在 痞客邦 留言(0) 人氣()