羅樂林師奶本色

贊助商連結

六十八歲嘅資深演員羅樂林(囉囉攣),係無綫劇集嘅「綠葉王」,最經典莫過於同一日之內,五套新舊劇集都有佢份,又巧合喺廿四小時之內,劇中嘅角色都要死,結果「一日死五次」,仲畀網民推到上報,之後再推到連外國傳媒都有轉載。

囉囉攣作為一個九龍城嘅街坊,東姑就經常喺呢區撞見佢;而同前妻陳寶儀離了婚,o依家算係一個獨居老人嘅佢,周不時去到附近嘅街市買餸,實行自己煮、自己食。不過,東姑次次見到佢,佢都手揸住一個同款嘅紅色手抽袋,就似佢「一日死五次」咁,將個袋無限輪迴,不停循環再用。相信佢為環保,亦因為單身已久做「煮男」做得耐,所以學足啲師奶嘅慳家本色喇!

羅樂林喺熱播嘅新劇《踩過界》中,扮演「漸凍人症」患者,神級演技令網民深受感動,並推舉佢做「最佳男配角」。

 

囉囉攣單身寡佬,經常做「住家煮男」自己煮、自己食,難怪經常出沒九龍城嘅街市買餸。

 

第二日,東姑又見佢用同一個袋,似乎佢將個袋循環咁用完再用。

全站熱搜

tvb4life 發表在 痞客邦 留言(0) 人氣()