鄭則仕打保齡健身

贊助商連結

鄭則仕(Kent哥)演技當然出色,但好多人都知,佢亦係保齡球界嘅隱世高手,技術同啲職業球員有得揮。

日前,東姑喺南華會嘅保齡球場,遇到Kent哥,見佢同一個男性朋友喺度鬥波,東姑都忍唔住觀戰。現場睇到佢啲技術果然係超班,十球有九球全中或者補中,打入香港代表隊都夠資格。

雖然佢噸位十足,但係攬住個保齡球助跑,面唔紅、氣唔喘,碌完仲淡淡定有錢淨,行埋去同個friend擊掌以示互相鼓勵,好有大將之風。聽聞佢為健康着想,一星期打足五日保齡當健身,見佢日子有功,身型由之前嘅XXXL,已跌番落去XL,行步路都比以前輕盈矯健,唔怪得佢更加沉迷碌Ling喇!

Kent哥一星期打足五日保齡球,見佢成功減咗唔少磅數,行路都輕鬆過之前好多。

 

打完一球,佢氣定神閑行返埋位,仲同對手擊掌互相鼓勵,好有大將之風。

 

Kent哥碌Ling有姿勢兼有實際,直頭有專業球員水準,難怪經常打全中。

    全站熱搜

    tvb4life 發表在 痞客邦 留言(0) 人氣()