石修牛仔Look抗炎夏

贊助商連結

近排連環咁打風,啲天氣又熱又焗,東姑都背心短褲示人,着得涼快啲。不過,快將六十七歲嘅「型佬」石修,話明係「型佬」,出街都執到四正。日前,佢就一身牛仔look,仲要係長袖牛仔褸,行路出席網絡電影《王牌霸王花》嘅煞科宴,東姑睇見都覺得熱;之不過,佢着得好睇就唔理咁多,仲將同行嘅囝囝陳宇琛比下去添。

當晚,除咗石修兩父子,仲有導演錢國偉、楊思琦、陳婉衡、春卷(王寶寶,現改名王寶葆)、陳志健、陸駿光、張松枝、許雅婷等,一班人由八點食到十點半都未散band,相當盡興。

講返套戲,啲女演員要打外,早前喺沙田一間酒店又拍咗場party戲,男男女女都衣香鬢影,當中東姑仲發現,離開咗公仔箱多年嘅「亞視幫」林祖輝,即姚嘉妮嘅老公;近年佢從商開店賣童裝,今次都貪玩客串一角,唔知會否好似「游生」袁文傑咁,鹹魚翻生呢?

大熱天時﹐石修身穿一身牛仔look,行路出席電影煞科宴,雖然型到爆,但係睇見都覺得熱,唔通佢件牛仔褸裝咗冷氣。

 

當晚,一大班《王牌霸王花》嘅演員喺長沙灣搞煞科宴,都幾熱鬧。

 

早前,拍攝一場派對戲,林祖輝﹙左一﹚都有份客串,外形仲keep得唔錯。

全站熱搜

tvb4life 發表在 痞客邦 留言(0) 人氣()