胡定欣風騷帶索女團出巡

贊助商連結

近排,胡定欣孭飛嘅新劇《同盟》收視唔錯,加上,佢之前同「胡說八道會」班姐妹去澳洲拍旅遊特輯時,啲姐妹都不知幾咁落力幫佢搵目標,就連鮑起靜都爆佢料︰「可能佢有男朋友呢!」似乎喺澳洲有艷遇喎。

難怪胡定欣心情靚靚,日前為《同》劇宣傳時,雖然「緋聞男友」陳展鵬跟落選港姐單文柔嘅戀情愈來愈浮面,但佢不單止冇介懷,反而玩得相當投入,仲同好姐妹姚子羚夾擊陳展鵬,推男方落水。而對於陳展鵬有拖拍,佢就話︰「過咗宣傳期,希望大家唔好寫喇,唔好再放我個名落去!」

冇咗陳展鵬,仲有班好姐妹;活動後,佢同姚子羚約埋李施嬅、趙希洛去high tea。一班人一邊食一邊吹水,歎足個幾鐘。臨走時,四個星級索女仲出巡遊街,即時吸引到粉絲要求「集郵」;而胡定欣就企定定之餘,更加幫手揸機玩集體selfie,東姑遠遠都感受到佢陣「騷」味。

胡定欣主演嘅新劇《同盟》有口碑、有好收視,佢日前就聯同姚子羚、李施嬅及趙希洛去high tea慶祝。離開時,三索女大晒玉腿,好吸睛。

 

胡定欣主演嘅新劇《同盟》有口碑、有好收視,佢日前就聯同姚子羚、李施嬅及趙希洛去high tea慶祝。離開時,三索女大晒玉腿,好吸睛。

 

有粉絲見到一班星級索女出巡,立即上前要求「集郵」;其後,胡定欣更主動揸機玩自拍,平易近人!

 

 

 

早前,胡定欣(右二)跟「胡說八道會」去澳洲拍旅遊特輯,仲露肩盛裝去睇賽馬,有艷遇,有乜出奇?

全站熱搜

tvb4life 發表在 痞客邦 留言(0) 人氣()