46歲陳豪操爆43吋巨胸 拒絕結紮:唔使咁快絕後

贊助商連結

46歲的陳豪(阿Mo)為無綫重頭劇《誇世代》操肌,拍攝半年練出43吋巨胸、8塊爆肌及青筋麒麟臂。育有三子女的阿Mo又耍手擰頭不會結紮,稱「唔使咁快絕後!」

阿Mo拍攝《誇世代》雖然日曬雨淋辛苦到爆炸,但就愈拍愈fit,操出爆肌健美身材。他坦言拍攝此劇變身「健美先生」是意外收穫:「呢個劇漸進式睇住我由肥變瘦都幾好笑,其實原動力來自之前同李佳芯拍一場戲要除衫,點知畀監製笑我脹爆好肥,嗰刻激發咗我個鬥心,加上同劇嘅張繼聰帶我去做Gym,仲不斷鼓勵我,兼畀咗好多意見。」

他說:「以前最肥時試過有210磅,o依家身形仲有好多不足之處,某部份未算好滿意,現階段只可以視為一個開始,不過我對健身好有興趣,亦會同陳茵媺(Aimee)一齊keep fit,兩公婆更加注重營養,都係好事嚟嘅。」

育有三子女的阿Mo被問到可會響應剛生了「慈菇椗」的阿Bob呼籲齊齊去做結紮?阿Mo即耍手擰頭,拒絕「好意」說:「咁又唔使咁快絕後嘅,只係暫時唔需要再生小朋友,但唔好抹殺將來再有小朋友嘅可能性!」

問到身材愈來愈Hot可會增加兩公婆生活情趣?阿Mo面紅紅怕醜說:「你去問Aimee啦,但肯定唔會為咗無後顧之憂而去結紮,因為我哋好鍾意小朋友,只係三個暫時足夠啫。」

阿Mo被問到可會響應剛生了「慈菇椗」的阿Bob呼籲齊齊去做結紮?阿Mo即耍手擰頭,拒絕「好意」說:「咁又唔使咁快絕後嘅!」

 

 

 

阿Mo話而家兩公婆都好注重營養,仲話而家身形仲有好多不足之處,可以再有改善。

同劇身材fit爆的並不只阿Mo,43歲的森美也多次在網上貼出晒肌照,而《誇世代》中有一幕陳豪與森美赤裸上身打擂台戲份,讓兩位猛男盡情狂晒43吋巨胸!該場戲講述阿Mo因為森美約會李佳芯而打爛醋埕,兩個老友「講唔掂數」在擂台上打出火,拳來拳往,「相擁」倒地。

雖然只係一個小場口,不過兩人都為赤裸上身的擂台戰做好熱身準備,拍攝前還在Hot Body搽上BB油,令巨肌更立體。森美更謙稱被Mo比下去,雖然操到43吋巨胸,但就得6塊腹肌,不敵阿Mo的8塊腹肌。

至於修身成功的森美就笑言老婆對他比以前更好:「咁樣我有好大衝擊喎,我可以再生仔,所以亦唔考慮做結紮。」曾經肥爆有180磅嘅森美,自爆操Fit後愛上在家赤膊,但卻遭囡囡嫌棄「醜怪」,又怕他會在老師及同學前脫衣,所以家長日都不讓他到學校,要求由媽咪做代表。

至於修身成功的森美就笑言老婆對他比以前更好:「我可以再生仔,所以亦唔考慮做結紮。」

 

 

 

 

全站熱搜

tvb4life 發表在 痞客邦 留言(0) 人氣()