徐榮出盡法寶抗40度高溫

贊助商連結

四十三歲嘅徐榮,唔經唔覺入咗行十九年。初入行時多演閒角,直到〇七年,佢終憑《同事三分親》「裘俊」一角,開始為人所熟悉。後嚟,佢又喺《愛•回家》入面,飾演好爸爸「馬強」,仲出動埋細女徐心怡演佢孫女,令徐榮變做星爸,風頭一時無兩。近年,佢又改行奸角路線,繼《乘勝狙擊》做完老千後,又喺熱播嘅《超時空男臣》中,演奸到出汁嘅「卓華」,睇到東姑咬牙切齒。

早前,東姑去咗佛山影城參觀,咁啱就撞到徐榮拍緊新劇《大帥哥》外景。當日氣溫炎炎,東姑見佢着住厚厚嘅民初軍服,又要拍槍戰,轉頭又要上山繼續拍攝,熱到大汗疊細汗。難怪見佢要出動各樣法寶降溫,好似凍水、芭蕉扇等等,以防中暑。

事後,佢向東姑表示:「呢度真係好鬼熱,露天可能成四十度,所以每人都會自備一個藥箱,入面都會有紙巾、降溫噴霧、降火嘅中藥沖劑,仲有退燒藥。去到現場覺得唔對路,我就會食定藥先。有時熱得滯,工作人員會買山水豆腐花,或者涼茶返嚟畀我哋降溫,都幾特別。」為咗養妻活兒,要喺高溫下長時間工作,睇嚟戲內戲外,徐榮都搣唔甩「馬強」嗰陣除,係位絕世好爸。

日前,徐榮現身佛山,喺四十度高溫下拍新劇《大帥哥》外景,由於拍攝現場冇冷氣,所以每逢休息,佢都要開行三把大牛角風扇、一把芭蕉扇降溫,都幾誇張。

 

身為美容教主嘅楊秀惠,上到去內地繼續發揮教主本色,幫同場嘅徐榮噴埋防曬噴霧,以防佢曬傷。

 

期間,徐榮同簡淑兒聽工作人員指導時,都熱到

 

徐榮嘅大仔徐朗(左)今年十歲,細女徐心怡就嚟滿兩歲,徐榮與子女感情要好。

 

拍到晚黑放飯,佢第一時間拎出部電話check下仔女啲短訊,絕對係顧家好男人。

tvb4life 發表在 痞客邦 留言(0) 人氣()