梁家輝爛面look強勢壓場

贊助商連結

麥浚龍(Juno)導演嘅警匪四部曲電影《風林火山》上個月喺香港開工,呢套戲係中港合資,製作費超過一億, 而以Juno一貫嘅作風,自然更加不惜工本。早前,東姑就喺鰂魚涌嘅海山樓、海景樓見到劇組喺度開工,果然幾大陣仗下,肉眼所見臨時演員都有五六十人,一字排開列晒陣,加埋啲幕後工作人員、服裝同化妝,佔據咗成個空地。

而呢部戲嘅主角之一梁家輝,見佢着晒西裝化咗個老妝,頭髮白晒之外,最突出就係半邊面一大塊疤痕。呢個「爛面」look睇見都感覺到壓場,而佢嗰日要拍嘅場口就好簡單,講佢受傷面部流晒血,隻腳又跛下跛下咁;不過,大熱天時拍室外景,少不免辛苦佢熱咗啲。

除此之外,東姑仲見到套戲原來有衛詩雅參與演出,見佢着住軍裝同啲幪面扮飛虎隊嘅演員企埋一齊,估佢戲中係飾演個差婆,離遠仲見佢擔住煙,以手抹汗喺度做戲。不過,戲組唔想角色造型太早曝光,所以拉晒布幕圍封遮擋,東姑都唔知佢拍乜傢伙,惟有引頸以待,等部戲上畫喇!

一大班「梳化服」工作人員,為梁家輝裝身兼化妝,見佢左邊面一大撻爛面疤痕,而右邊面則塗上假血漿,似係要扮受傷。

 

梁家輝拍嗰場戲好簡單,扮晒手腳都有受傷,所以連手都搽埋血漿,兼行路跛下跛下。

 

東姑發現衛詩雅都有份演出,仲同啲幪面飛虎隊企埋一齊,相信佢係扮演差婆。

 

場戲講佢企埋一邊食煙同抹汗,而現場就有工作人員刻意遮擋拍攝過程。

 

《風林火山》由Juno執導,佢拍嘢出名認真,唔怪得現場保密功夫做到足,以防造型同劇情過早洩露。

    全站熱搜

    tvb4life 發表在 痞客邦 留言(0) 人氣()