坦白講

塵世間最痛苦的事

贊助商連結

陳林煒,筆名陳塵, 32歲,插畫作家。
做過產品設計,目標是儲錢做老闆,事實是冇錢賺,更要每日做兩份工,搵錢交租。
那份堅持,連他自己都質疑。
他畫出微塵去陪住自己,道出塵世間的喜怒哀樂,怎料甚得讀者支持,成為大眾心靈雞湯。

 


塵會漂浮喺空氣中,無處不在,隨風飄揚與人類一同生活着,見證住我們每一個生活,望住最真實的我們。
我讀書唔叻,入唔到大學,讀 IVE的時裝營銷文憑。未夠十八歲,我已經出來工作,打過好多份工,做過送外賣、產品設計員、 Freelance都有。當時少不更事,以為搵到錢就夠,試過設計一隻可以喺屁股抽垃圾袋的狗仔,當時被一個外國人睇中,用五百元就買起咗,初初仲覺得幾正有錢袋。最後嗰個產品,被他在美國申請埋專利,到而家仲賣緊。當時都接過很多平價工作,收一百二十元畫張海報及藥廠的包裝設計。
二十四歲那年,我試過喺廣告公司打工一年,返十點放十點,已叫最好,忙起上來早上七時放工,瞓醒再返公司再通頂。每日放工都要搭的士,一個月接近七千元的士費,不過我證明到自己有能力。
我唔想幫人打工,決定同朋友創業。當時整咗幾個公仔出嚟放上網賣。網上好勁,一個鐘就賣咗百五個,以為好受歡迎,諗住要入埋實體店。點知我哋估唔到中間太大落差,訂咗好大批貨但係幾個月都賣唔到一百個。最後,同朋友合資借返來的錢,全部都蝕晒喺租金同批貨度,仲要負債。
當時為咗頂住盤生意,我要返兩份兼職,幫補開支。日打三份工,幾賣命都好,每月都係得三千元收入。但卻事與願違,屋企人、朋友唔明白我嘅努力,人開始好迷失。當時,唔識同人分享,怪人哋唔認同自己。我拎番「塵」出來,安慰自己心諗:「捱吓,過埋聽日就會好。」好多人會怪責傷心者,思想負面。懂得聆聽、陪伴的朋友係好重要,陪伴唔係出現在我身邊或逼我講出唔開心的事情,心情就會好,反而係被我無條件需要。
我無意間加了幾句字喺「塵」放上網,估唔到反應好好,我仲做成明信片。原來幫到我自己的句子,仲會幫到其他人。我嘅古仔好多留白,無預設無結局,不同的人睇完都有唔同的想法,將「塵」變成他們心中不同的角色,讓時間過去治癒他們。
撰文:黎雅婷
攝影:葉漢華
news@nextdigital.com.hk

    文章標籤

    坦白講 塵世間最痛苦的事

    全站熱搜

    tvb4life 發表在 痞客邦 留言(0) 人氣()