陳法拉人肉速遞慰藉男友

贊助商連結

陳法拉自從同Neway大少薛世恆分手之後,放低晒香港嘅嘢,去咗美國進修學戲,亦因而畀佢譜出一段異地情緣,同曾任外交官嘅法籍型男司馬諾(Emmanuel Straschnov)蜜運。

不過,法拉時不時都返香港做嘢賺下學費,早排佢又返嚟出席一個品牌活動。現場畀傳媒問起「前度」薛世恆,將會加入娛樂圈,問佢介唔介意同對方幕前合作?佢就好睇得開咁話,視乎劇本可以考慮,擺出一副同「前度」再見亦是朋友嘅姿態。

東姑見法拉嗰日做完活動,都幾趕時間下,即刻就坐保母車去咗間髮型屋,原來係「變身」換番套便服,然後就趕去機場,即晚飛返美國。趕成咁,相信係因為撇低咗男朋友喺美國嗰邊,「一日不見,如隔三秋」,誇張到見少陣都唔得,心急趕返去慰藉愛郎。好明顯,佢同新歡正處於熱戀期,唔怪得對舊愛已經冇晒感覺,做番friend都唔成問題喇!

法拉返嚟香港賺學費,做完活動仲好識做,點趕都同品牌客戶攬頭攬頸,say埋bye先走。

 

法拉歸心似箭,相信係為趕返美國會男友;而佢就同東姑講,今次返去起碼要到九月先再回港喎。

 

諗起可以返去美國會愛郎,法拉入閘時都嘴角含春,忍唔住偷笑。

 

臨離港前,法拉不經意咁露一露黑bra帶,艷光四射。

 

法拉嘅法國籍新歡司馬諾唔單只靚仔有型,仲係哈佛大學畢業,做過外交官,可以話年輕有為。

 

法拉同薛世恆再見亦是朋友,唔單只唔介意同「前度」幕前合作,仲話大家之前喺美國參加王君馨嘅婚禮見過面,一齊食過飯。

    全站熱搜

    tvb4life 發表在 痞客邦 留言(0) 人氣()