3個男人食雪糕 何廣沛諗起都想…

贊助商連結

近期在《超時空男臣》演靚仔公公「小冬」的何廣沛,好受歡迎。廣沛認為靠累積失敗經驗外,亦多得有兩個戲裏戲外都視他如細佬般照顧的曹永廉和蕭正楠,不過好兄弟還好兄弟,提到3個大男人一齊食雪糕一幕,廣沛即大呻:「諗起都想嘔!」

談到跟蕭正楠和曹永廉默契十足的表現,廣沛坦承全靠兩位兄弟真心相對,「我同阿廉合作過一次,同阿蕭第一次合作,我本身比較慢熱,好在我哋去咗佛山拍外景,對足成個月,佢哋好照顧我,好快我就融入到。」不過,好兄弟還好兄弟,講到要一齊食一杯雪糕,差點脷疊脷一幕,廣沛即大呻,「嗰場戲我哋要顧住雪糕溶,又要忍住笑,其實我哋忍笑忍到對腳喺枱底不停震!最慘係導演好似專登玩我哋咁,成日唔肯嗌Cut,搞到我哋真係差啲脷掂到脷,講真,諗起都幾想嘔o架!」

29歲的廣沛憑住靚仔樣機會不絕,依家開埋竅識演戲,上位有望啦!

 

三兄弟在佛山拍攝這段日子,令他們建立了深厚的感情。

 

 

 

三個食雪糕一幕,觀眾睇到笑爆嘴,但當事人就話覺得好難頂。

 

廣沛覺得「公公蘭花手」不需要成日有,補衫例外。

 

向來都話演技是需要浸淫,廣沛在《樓奴》負責搞笑,但他認為該次是完全失敗,「嗰時以為浮誇就會好笑,但反而係反效果,《樓奴》真係好失敗,自己睇番都明白點解觀眾唔接受。」正因有了失敗經驗,去年拍住方中信和廖啟智合作《律政強人》,廣沛就被大讚。在搞笑方面,廣沛在《超時》都學精了,「其實故事設定我哋古代人嚟現代生活,已經會好搞笑,所以反而唔需要誇張,踏實去做仲好笑,都有人問過我,點解演公公唔做多啲乸啲嘅手勢,但劇情要我哋掩飾身份嘛!同埋公公真係唔一定要好乸,佢好細心咁照顧兩個大哥,其實已經有種乸乸哋嘅感覺。」

廣沛在《樓奴》負責搞笑,但他認為這次是完全失敗。

 

去年方中信和廖啟智合作《律政強人》,廣沛就被大讚。

    全站熱搜

    tvb4life 發表在 痞客邦 留言(0) 人氣()