創業通

玩獨特設計 獨家卡通人樣 Emoji

贊助商連結

在社交媒體中,表情符號用以加添對話間的情感交流,也有人把表情符號作題材拍成電影《 Emoji大冒險》。 80後夫婦 Edward及 Gigi選擇將表情符號發展成生意,提供客製 Emoji服務,將客人的樣貌手繪成一個個卡通化的 Emoji,獨特而有趣的服務,受到不少客人歡迎。

現時流行在社交媒體及通訊軟件使用表情符號,而擁有自己專屬的表情,讓人覺得更能代表自己的情感, Gigi說:「我哋可以將客人嘅樣手繪成卡通化表情,感覺特別及得意。幫襯我哋訂製表情嘅客人,有男有女,包括情侶及家庭客,用嚟自用及當禮物送畀人都有。」
Gigi表示大部分客人會先購買基本的打招呼、自我介紹款式,用過覺得不錯,便會返轉頭試較誇張騎呢的表情,「好似撩鼻、扭屁股等。有啲健身教練、保險經紀會有自己嘅團隊,會嚟搵我哋設計團體 Emoji,有趣得嚟又向其他人介紹到自己嘅職業,似軟性廣告,受客人歡迎。」每個 Emoji價錢由$80至$100不等,另有特別訂製服務,每個 Emoji約$300起。




Edward及 Gigi既是夫妻,亦是工作夥伴,他們時常會就公司的發展作出討論。


Edward的工作團隊設於東莞,時常需要中港兩地走,「一星期大約要返去 2、 3日,跟進工作進度。」 可在 WhatsApp使用

點樣是由 80後夫婦 Edward及 Gigi創辦,他們分別擅長程式開發及平面設計, Edward說︰「客人喺網站揀好想要嘅表情模版後,再將自己嘅相上載畀我哋,我哋手繪後再 send番畀客人,客人下載落手機後,就可以喺 WhatsApp、 facebook、 Wechat、 Line等社交 app用到。」
13年, Edward及 Gigi兩人終成眷屬,走向人生另一階段,同時在事業上亦有新的發展,兩人決定全職創業, Edward更選擇在內地作為起步點,「 2年前拍拖時,我哋已經成立咗 Edgital Limited,主要幫客戶做網站設計及開發手機 app等,只係以 freelance形式營運,之後慢慢多 job,我哋想試吓出去闖闖。最初創業資金唔多,我哋工作唔太受地域限制,所以就構思喺內地成立公司,最後揀咗喺東莞市中心租咗個 500呎單位做 office,租金唔使$2,000;加上內地專業人材嘅能力唔低,用$3,000至$5,000就請到 freshgrade,比喺香港需要嘅開業成本低好多。」

電腦技術加設計


負責設計的 Gigi,需要繪畫客人人像及構思新的表情模版。

其後 Edward希望公司有自家特色的產品,最後在 16年成立點樣平台,提供客製表情服務,「我哋從包含到電腦技術及設計方向構思產品,諗到玩社交 app成日會用到 Emoji,幫人設計專屬嘅 Emoji好似唔錯。我哋試下先幫朋友設計,佢哋身邊嘅朋友都覺得得意,搵我哋訂造。見反應唔錯,我哋喺上年整咗點樣呢個網站出嚟。」
Gigi表示要時常構思新的表情模版,才能留住客人,現時共有過百款的表情模版讓客人選擇。「最初只係設計咗十幾款,包括 hi、 ok、 bye、加油等基本表情模版,但慢慢客人會要求增加多啲款式,我哋逐漸推出新年、聖誕、萬聖節等節日嘅 Emoji,另外仲有拖手仔、擁抱、求婚等畀人用嚟表達愛意。」

不能太逼真

負責設計的 Gigi說畫得逼真,並不一定合乎客人口味,「初時我哋照足客人張相嚟畫,但客人收到圖後,大多有意見,話唔似、太肥、太老,慢慢摸到原來除咗捕捉神髓外,圖像要有一定嘅美化先滿足到客人。尤其係女性,例如面圓、下巴位要修飾得尖尖地、眼紋要淺啲,先唔會顯得個樣老。有時客人 send相過嚟,可能未化妝、頭髮好亂等,我哋𠵱家識得應變,唔會再跟足嚟畫。」
現時公司團隊發展到 5人,除了個人訂單外, Edward希望有更多的發展機會,「坊間有唔少客製產品,我哋可以提供將客人 Emoji印上產品嘅服務,𠵱家有提供枕頭套、香檳杯及指甲等產品,嚟緊想與更多唔同嘅產品商合作。另外,我哋開發緊個 app,客人透過個 app就可以睇晒向我哋訂製嘅 Emoji,然後直接 send去其他社交媒體上使用,畀客人用得更方便。」




有些客人喜愛搞鬼的表情,如一家人穿上超人衣服在飛;亦有愛寵物之人,把自己與寵物的合照製成表情符號。





現時點樣有與不同的品牌合作,如將卡通化的客人肖像印在枕頭套上。 

Irene  Logos Art Executive Director
喺 WhatsApp見到朋友用自己樣嘅 Emoji,覺得好得意,我經營緊寢室用品品牌,搵咗 Edward合作,提供將客人嘅 Emoji樣貌印落枕頭套嘅服務,幾受客人歡迎。

記者親身測試

 




1. 在點樣網站上揀選心怡的表情模版,然後購買。


2. 然後就上載自己的照片。


3.  Gigi提示最好是日常生活照,盡量不要證件相,表情會較自然。


4. 收到客人照片後,設計師便會手繪出卡通化的客人樣子。


5. 最後製成客人揀選的動態表情,過程約需要 3至 5個工作天。


6. 表情會寄回給客人,下載到電話後,便可直接在社交媒體及通訊軟件使用。

http://www.orderlooks.com 

開業成本

租金︰$4,800( 2按 1上)
裝修︰$55,000
雜項︰$10,000
總投資 $69,800

每月收支

營業額︰$100,000
租金︰$2,500
人工︰$70,000( 2名老闆+5名員工)
雜費︰$5,000
盈利 $22,500

撰文:曾志恒
攝影:黎韋邦、部分圖片由被訪者提供

 

    tvb4life 發表在 痞客邦 留言(0) 人氣()