Wilson認為香港的科技研發絕不比其他地方遜色,「經我哋開發嘅視頻技術串流嘅畫面,顏色嘅寬度及深度都會大好多,呈現到大約係肉眼睇嘅 60%色彩,而其他技術大約只係得 30%。」

青雲路 Premium Position

迎合數碼大趨勢 開發視頻專利技術

贊助商連結

在車廂內拿起電話追連續劇,回家打開電腦看電影、上影片分享平台,相信這是很多人的生活日常。在這些服務背後,當中需要不少高科技的支援,用戶才能得到流暢及高質的視訊體驗。讀電腦出身的 Wilson(袁耀輝),在 10年時看到網絡視頻將會流行的大趨勢,便成立天開數碼媒體有限公司,為客戶提供視頻技術解決方案,現更開發視頻專利技術,憑着高速視頻轉碼、方便使用的直播系統等技術,吸引各大機構找他合作,讓公司服務走向全世界。

天開數碼媒體有限公司主要提供一站式視頻技術解決方案,身為創辦人及行政總裁的 Wilson表示,用戶要看到視頻,當中經過不少步驟,「𠵱家網上睇片好簡單,有部電話或電腦上網站,或者用 app簡單按幾下就即時睇到,但中間需要數據串流、內容轉碼、處理頻[等技術;另外,平台上嘅點播、單播、控制廣告播放及大數據分析等功能,我哋都要處理。除咗香港外,美國、加拿大、俄羅斯及日本等地都有用戶用緊我哋提供嘅服務。」與其合作過的機構包括微軟、阿里巴巴、香港電視、中原地產及蘇富比等。
今年 42歲的 Wilson,中七畢業後去了英國修讀電腦科學, 97年畢業回港,他便投身教育界,「原本返嚟係諗住全職讀碩士,但有朋友介紹我入城大做講師教 computer science,同時我兼讀中大嘅訊息工程碩士。去到 07年,轉咗去理大任教多媒體設計嘅科目。」

開發視頻串流程式

因 Wilson對互動多媒體及電腦程式十分熟悉,讓他得到不少機會參與新媒體的工作,最後更在 10年成立天開數碼媒體有限公司,「當時視頻開始發展,好多公司需要技術支援,好似補習社內嘅老師,透過視訊同一時間教喺唔同課室嘅學生。記得當時有朋友喺 CSL工作,佢哋想喺旗艦店設計一個用戶體驗區推廣 3G服務,我幫佢哋開發咗視頻串流程式,用戶透過兩部電視睇到 3G及 2G嘅分別,個反應好好。我見到智能電話個 mon愈嚟愈大,網速又開始快,視像媒體會係將來發展嘅趨勢,喺學校許可下我就成立咗天開,接網絡影音串流及技術支援嘅工作。」
最初 Wilson只是兼職創業, 13年,他曾到商業電台任職資訊科技總監,期間他希望公司發展自家的專利技術,以面對市場競爭,成立了科研團隊,「做科研就預咗要投資,可以話使錢如流水,員工要出糧,公司要營運。當時我按咗層樓、問銀行借錢、周圍搵 job,盡力令公司可以營運落去,面對愈嚟愈多工作, 14年我開始全職打理公司。當中最深刻係與 HKTV合作,幫佢哋利用 OTT平台網上開台,望住開台時全港超過一半嘅寬頻流量用緊我哋嘅服務,係開創咗一個歷史。」




現時 Wilson主要負責公司決策及統籌的工作,平時會與同事開會,了解大約的工作進度。


天開研發自家的產品「開眼界」編碼器,用戶只要將其連上錄影機及網絡,便可向不同的社交平台發放直播影片,方便控制及監測串流情況,同時機器會將視頻自動存檔,購買價約 4萬元起。


現時天開在香港、中國、台灣、美國等地都設有辦公室,由最初 2人公司發展到現時約有 110名員工, Wilson付出了不少努力。圖為位於香港九龍塘創新中心的辦公室。 開發專利技術

用了約 2年時間,天開成功開發自家視頻專利技術, Wilson表示香港的科研水平絕不比世界任何地方差,「包括高速視頻轉碼、高解像、高動態範圍及超高畫面更新率嘅 4K串流,及一按即播嘅直播系統等。以高速視頻轉碼為例,一段影片原檔要轉換唔同格式,先可以發放去唔同使用者嘅手機或電腦畫面,我哋將呢個過程加快咗 20倍,舉例人哋轉一段 60分鐘嘅影片要 60分鐘,我哋只要 3分鐘,用戶可以喺網上更快睇到其他地區嘅劇集或視頻。」
憑着高端的視頻技術,現時天開約有 110名員工,在香港、中國、台灣及美國均設有辦公室, Wilson表示會繼續發展,「𠵱家視頻內容佔全球網絡用量約 75%,隨着網速愈嚟愈快,會有更多範疇使用視頻作媒介。為咗迎合呢個大趨勢,我哋公司已經有擴充嘅計劃,嚟緊會請多 70人,希望提供更完善嘅視頻技術畀用戶。」




因能提供高質的視頻技術,故天開吸引不少機構與其合作,例如第三十六屆香港電影金像獎的海外直播及中原地產推出的 VR睇樓服務,這些都是與天開的合作項目之一。


點入行?

Wilson表示網絡視頻是將來發展的趨勢,當中需要不少人才,想入行的人士需要一定的 IT知識,「呢行需要 programmer,有興趣入行嘅人士可修讀有關 computer science嘅學科,掌握基本編寫程式知識。大多數人士對視頻技術唔會有太多接觸,入行後需要再去學習,我哋都會睇應徵者嘅學習能力及對呢行嘅熱誠。初入職會由初級電腦工程師做起,月薪約$18,000起。」身為創辦人及行政總裁的 Wilson,現時年薪過百萬。

天開數碼媒體有限公司 http://www.tfidm.com 

撰文:曾志恒
攝影:陳浩然、部分圖片由被訪者提供

 

 

    tvb4life 發表在 痞客邦 留言(0) 人氣()