羅天池車房「踎登」

贊助商連結

羅天池之前喺無綫處境劇《愛.回家》中飾演「阿登」一角,令人印象深刻;不過,兩年前佢冇再續約娘家,向外闖謀求更好發展。其實,佢係名副其實嘅武林高手,泰拳、 巴西柔術、MMA都好厲害,仲上過擂台打比賽。佢o依家憑住呢啲專長,做專業武術指導,近排好hit嘅ViuTV劇集《詭探》,佢都有份做武指,度吓啲動作場面o架!

東姑早前喺筲箕灣撞到「阿登」,見佢坐喺路邊車房門口,戇居居又頭耷耷咁,全程專心掛住玩手機,個樣似係好「踎登」咁,搞到東姑好奇上前同佢傾咗兩句。原來呢排佢係大忙人,喺國內幫緊幾套網絡電影、劇集做武指,中港兩邊頻撲,難得呢日有少少時間攝場,所以火速帶「老婆」即係佢架座駕嚟車房執番下。佢仲笑話,呢排忙到頭暈暈,所以睇落個樣先咁「迷」、咁忘我喎!

「阿登」坐咗喺車房門口,個樣好似好失意咁,搞到東姑誤會佢「踎登」,撞佢個鬼呀!

 

其實,呢排佢不停返大陸做嘢賺人仔,忙到個人頭暈暈,只識做「低頭族」。

 

「阿登」笑言近期忙到無停手,所以一有空檔,即刻來相熟嘅車房執番靚「老婆」。

    全站熱搜

    tvb4life 發表在 痞客邦 留言(0) 人氣()