魏駿傑老婆好似中六合彩

贊助商連結

月前,魏駿傑同三個朋友夾份喺西貢開咗間泰國菜館,間舖對住個無敵海景,有成六千呎,不過月租要成三十萬o架。佢向東姑表示,間舖同埋三個拍檔投資咗七位數字,跟住又搞笑咁講:「我啲朋友見我冇劇拍,就叫我嚟揸鑊鏟啦!」其實,魏駿傑一直都想返無綫拍劇,只係等一個機會啫。佢透露諗住請珍姐(無綫助理總經理曾勵珍)嚟餐廳食飯,咁樣應該好快有消息喎。

開幕當日,魏駿傑都有帶同老婆張利華出席,佢兩個仲甜蜜咀嘴畀大家影相,睇嚟之前有關老婆嘅緋聞,應該雨過天晴。東姑上星期去美國領事館簽證,咁啱見到張利華。嗰日出面成三十幾度,約咗十點簽證嘅佢,排咗成兩個鐘,搞到有少少唔耐煩,但都冇計,惟有一邊排,一邊玩手機,消磨時間。而當佢排到去窗口位,見完工作人員後,瞬間成個開心晒,個樣似足中咗六合彩咁款。

魏駿傑喺一〇年同細佢二十年嘅內地女子張利華結婚,育有一女,去年曾一度鬧婚變。

 

開始排隊嘅時候,因為出面太熱,張利華有啲唔耐煩。

 

排隊搞咗一個朝早,順利攞到簽證後,張利華轉身就急急腳走人。

 

知道自己簽證成功,張利華立即成個人開心晒!

    全站熱搜

    tvb4life 發表在 痞客邦 留言(0) 人氣()