何猷亨耳仔受罪

贊助商連結

上年,小花陳瀅同賭王四房長子何猷亨拍拖,甜蜜恩愛;而戀情曝光之後,猷亨仲親認戀情,護花之餘兼宣布「封盤」,佢又自爆同陳瀅其實識咗好耐,當年喺外國讀書時由朋友介紹識。嗰時,四太梁安琪都好接受呢段感情,點知佢哋拍咗半年就分手。

猷亨有錢又叻仔,當然唔憂冇女仔埋身;不過,佢最近就好努力咁搞緊地產項目,公司成立短短三年,已經喺香港發展咗三個新樓盤,非常之進取。之但係,幾忙都要休息嘅,東姑日前就發現佢趁住炎炎夏日,同一班老友揸船出海暢泳。當日玩完快艇,猶亨就跳落海游水,上水之後,竟然發覺隻耳仔入咗海水好辛苦;於是佢不停單腳跳,希望將啲水喺耳仔度「凳」番出嚟,點知搞咗好耐都整唔到,東姑都戥佢辛苦!

猷亨忙裏偷閒,同班朋友出海游水。

 

隻耳仔入咗水,猷亨表現得好辛苦。

 

希望將啲海水喺耳仔度「凳」番出嚟,猷亨嘗試玩單腳跳。

 

猷亨左右搖擺都整唔到啲海水出嚟,個樣好無奈。

 

猷亨曾經同陳瀅拍拖,可惜半年貨仔就玩完。

tvb4life 發表在 痞客邦 留言(0) 人氣()