雖然是經營地區小店,但 Billy對食物的要求十分嚴格,對味道及擺碟都做得盡善盡美,希望用小店的價錢,提供酒店的質素來吸客。

創業通

前酒店西廚 以精緻食物賣相吸客

贊助商連結

觀塘區工商業大廈林立,有大量的上班人士尋食,故吸引不少人來開設食肆。西廚出身的 Billy看中當中的商機,在 10年與拍檔開設西式輕小食店 Bubble Tree,以新鮮食材、酒店的食物質素及賣相作賣點,受到不少 OL歡迎。




Billy、阿龍及阿鴻(由左至右)在餐廳非繁忙時間,聚在一起商討餐廳的發展方向,同時研究如何改進餐牌。

採訪當日,記者去到位於觀塘東廣場的 Bubble Tree,看見不少人士用餐,創辦人 Billy表示意粉及沙律最受客人歡迎,「我哋主打街坊及附近返工嘅人士,女性客佔 7成,可能我哋個餐多蔬菜,而且每個餐嘅分量唔係太大,夠精緻,啱啲追求健康嘅女士。」
Bubble Tree是由 Billy、阿龍及阿鴻一同經營, 34歲的 Billy已有十多年入廚經驗。 98年中五畢業後, Billy已向飲食業方面發展,「我去咗讀餐飲管理文憑,之後仲參加咗一個飲食集團嘅計劃,去西安學咗年半中廚,之後返嚟香港去一間法國餐廳做學徒。喺香港做西廚會吃香啲,之後去過唔同酒店嘅西廚部工作。」
直至 10年,希望創業的 Billy,找來拍檔阿龍創立 Bubble Tree,以外賣西式輕食形式經營,主打觀塘區內的上班人士。「做過幾間酒店西廚,想襯後生試吓出去創業。見觀塘區未有太多西式餐飲,又多上班一族,餐飲應該有得做,搵咗都係做酒店嘅阿龍一齊,喺東廣場租咗一個 3百呎嘅鋪,主打三文治,再加幾款意粉。」

向酒店供應商取貨

Billy表示想以新鮮食材,及可媲美酒店的質素來吸引客人,「蔬菜由本地農場供應,每日新鮮運到鋪頭;我哋搵番酒店嘅供應商拎肉類及其他食材,之前打工同佢哋有交情,就算入得少量,都肯供貨畀我哋。食材唔會放多過 2日,雖然成本高咗,但想保持食物質素;而喺擺盤及味道上我哋都跟番酒店嘅要求,希望藉此吸引到客人。」
雖然有酒店水準,但 Billy表示開業頭半年餐廳的生意都不好,「開張時,商場未裝修晒,得幾間鋪開咗,人流好少,有去落雜誌廣告、喺街派傳單及與團購網站合作,但頭半年都係蝕錢。之後商場裝修好,開始做宣傳,而我哋餐牌都有所調整,發現客人都係鍾意意粉類多啲,意粉由 4款加到 7款。我哋亦喺店外擺設枱凳,提供堂食服務,慢慢生意漸有起色。」




羽衣甘藍沙律$45


法式燴豬脾仔配香蒜墨汁多士$58


雙重芝士巴馬風乾火腿裸麥包三文治$50


蟹籽露筍配煙三文魚伴香蒜橄欖油意粉$50


煙三文魚配牛油果沙律$45 提供到會服務

除了經營餐廳外, Billy說 Bubble Tree亦有提供到會服務,「開咗大約 3、 4個月,有客人問我哋會唔會有食物到會,我哋覺得多一個業務,即係多一個收入來源。之後喺客人介紹下,我哋多咗同公司及商場合作,好似 K-11搞 event都有搵我哋到會食物。𠵱家到會服務約佔生意額嘅 10%,收費約$6,000起。」
憑着出色賣相及味道, Bubble Tree在 14年拓展業務,在荃灣及葵涌開設分店,「當時開分店要有人幫手睇鋪,搵咗朋友阿鴻加入,佢都係做開酒店西廚。兩間鋪只維持咗約兩年,因為租金加得太犀利,加成 30%,最後計過條數做唔到要結業, 3個人主力打理番觀塘店。」




每到早午晚的用膳時間, Bubble Tree都會坐滿客人,在區內擁有一定的捧場客。


Billy表示餐廳有提供到會服務,精緻的食物賣相亦吸引到商場及公司客來幫襯。 半年轉一次餐牌

現時上 openrice,在觀塘區售賣西式輕小食的餐廳至少也有二十多間。面對競爭, Billy說要不時改變餐單,以新鮮感吸引客人,「有時熟客都會問有冇新嘢食,我哋約半年會轉一次餐牌。平時我會同阿龍阿鴻研究新菜式,例如新推出法式燴豬脾仔、紅酒汁慢煮牛尾及牛頰肉。另外,我哋見好多地方都有賣意粉,於是就試吓改配墨汁多士,呢啲菜式都係喺酒店學返嚟,一轉餐牌客人就會多啲,有新鮮感呀嘛!」
上年 11月, Billy在觀塘投資了二十多萬開設工場,為開分店作準備,「工場𠵱家主要負責煲湯及調製醬汁。經過之前開分店嘅經驗,想建立統一嘅標準,開分店時食物質素可以控制得較好。打算喺呢一年內開新分店,不過地方就未睇定。」




Bubble Tree的三名經營者都有西廚底子,阿鴻在烹調食物上有一定水準。


Bubble Tree蔬菜由本地農場每天供應,阿龍會即時處理蔬菜製作沙律,以保證食物的新鮮。 

客人 Emily
喺附近返工,幾鍾意食佢哋嘅沙律及意粉,蔬菜食落好新鮮,分量好適合我,唔會話食唔晒浪費食物。



客人 Yee
喺附近住及返工,幫襯咗呢度 3、 4年,覺得食物賣相好及好食,感受到佢哋好用心,鍾意食佢哋嘅意粉,最近成日食巴馬火腿意粉。

Bubble Tree
地址:觀塘成業街 7號東廣場地下 G43

開業成本
租金︰$112,000( 3按 1上)
裝修︰$200,000
入貨︰$60,000
總投資:$372,000

每月收支
營業額︰$250,000
租金︰$35,000
人工︰$90,000( 3名老闆+2名兼職員工)
入貨︰$75,000
盈利:$50,000

撰文:曾志恒
攝影:林文樂
部分圖片由被訪者提供

 

    tvb4life 發表在 痞客邦 留言(0) 人氣()