80後的 William大膽以中國傳統特色融入陀飛輪腕表的設計上,打造出包含中西文化交流的獨特香港品牌形象,成功以「新人」的身分在鐘表界上佔有一定地位。

青雲路 Premium Position

本地陀飛輪品牌 用聯乘衝出香港

贊助商連結

陀飛輪作為手表製作的頂級技術,以複雜程度及高昂的價錢聞名於世,外國知名腕表品牌的陀飛輪動輒數十萬起跳。 80後的 William認為市場有發展空間,在 10年創立首個香港陀飛輪品牌萬希泉,以中國文化與西方元素結合,及高性價比作賣點,成功攻佔市場,與不少名人及知名品牌聯乘合作,更成功衝出香港,在中國、日本、杜拜、法國及波蘭等外地都設有銷售點, William希望將萬希泉打造成一個家傳戶曉的香港手表品牌。

今年 32歲的 William,是陀飛輪腕表品牌萬希泉的創辦人及行政總裁,每月他都要飛去不同的地方與品牌或代理傾合作,「 15年,我哋喺香港開設工場,手表喺香港設計,機芯部件由內地組裝,最後嘅裝嵌及調試就喺香港工場進行,希望推動香港鐘表業嘅發展,得到世界嘅認同。」

寫論文啟發創業


15年, William決定家開設香港工場,負責生產線中的裝嵌及調試部分,他會不時到工場視察,確保成品的質素。

William最初認識陀飛輪,是 09年在美國修讀應用及經濟管理碩士時,「未畢業,我已經諗住創業,但一直未有確實嘅方向。直至寫畢業論文時,我去咗阿爸有份投資嘅內地機芯廠收集數據,先知間廠有為國外品牌腕表製作陀飛輪機芯,了解到原來呢個技術好高端。當時國內做到嘅廠一對手數得晒,難得近水樓台,不如試吓自己創業。」
10年, William創立萬希泉,並希望打造一個中西合壁兼具香港特色的陀飛輪品牌,「 09年畢業後,我先入咗投資銀行工作,邊賺創業資金,邊諗市場定位。市場上陀飛輪都係以外國品牌作賣點,如果要創立品牌一定要有自己嘅獨特風格。有次去到阿爸嘅收藏室,見到好多古時嘅木雕,當中有中國神話、歷史故事等圖案,包含咗中國嘅藝術文化,我靈機一觸,不如將中國木雕圖案作為首批陀飛輪嘅設計主題,之後再加入西方元素,貼合有中西文化混合嘅香港。」

首批表兩星期售罄


萬希泉時常與西方品牌合作,雖然表面設計千變萬化,但 Wiilaim表示表背多會作傳統中國祥雲設計,呈現中西文化混合的設計,保持品牌的風格。

創業初期,由與設計師溝通、市場推廣到和代理傾合作等事務,也要由 William兼顧,「屋企人租咗個工廠單位做生意,我間咗個位放張寫字枱,就開始創業。最初生產咗約 50隻表,自己做埋 sales,逐間表行敲門傾入我哋嘅表,但我哋品牌太新,表行大多表示冇興趣。之後我轉向珠寶店傾合作,反而傾成咗幾間,我以接近成本價約萬幾蚊一隻做批發,想試吓市場反應先,結果兩個星期賣晒,算係一個唔錯嘅開始。」現時萬希泉手表價錢由 2萬多起,去到過百萬的鑲鑽款式也有。
敢於嘗試的 William想為萬希泉加入西方色彩,於是與外國電影公司合作,推出一系列 super hero的陀飛輪手表,「咁啱當時華納兄弟嘅《蝙蝠俠︰夜神起義》上畫,佢哋想同我哋合作出精品。西方漫畫有自己嘅歷史及文化,我哋一拍即合,設計咗蝙蝠俠主題嘅陀飛輪,之後陸續有超人、美國隊長、變形金剛、鐵甲奇俠等電影主題嘅限量腕表,增加咗海外市場對我哋嘅認識。」

本地名人合作聯乘

另外, William與香港名人聯乘設計推出產品,如設計師靳埭強、音樂人雷頌德、桌球手傅家俊、名人顧紀筠及李嘉欣等,「最近就同陳曉東聯手設計一對情侶陀飛輪腕表,以佢嘅新歌《時間做證》作素材,未推出已經有人訂購,證明呢個發展方向係有一定市場。」
現時萬希泉在中港澳、法國、日本、杜拜及馬來西亞等地都設有銷售點, William表示會繼續開拓市場,「近年香港零售市道係較疲弱,對我哋係有影響,但多咗日本人買我哋嘅表,佔咗今年總生意額約 7成,業績比上年增加。我哋拓展緊銷售網絡,歐洲及中國會有發展計劃,亦有打算喺日本開多一間專門店。」



建議零售價:$42,800
萬希泉不時會與香港名人作聯乘合作推出陀飛輪腕表,最近與歌手陳曉東合作,陳曉東把最新的派台歌《時間做證》作設計靈感,手表中貫穿表面的設計,鏤空的機芯,加上表面上象徵婚戒的圓圈圖案,以配合歌詞中「還要這雙眼看穿心靈才奉信諾言」的一句。



建議零售價:$48,800
除了聯乘外,萬希泉亦會定期推出自家品牌的陀飛輪腕表。星恆系列是最新作品,用上立體的藍寶石玻璃表殼,加上珍珠貝母表盤,在不同環境下觀看,會幻化出不同的色彩,如星河般壯麗。



建議零售價:$42,800/ 1隻
今年萬希泉與 Hasbro孩之寶再度合作,以電影《變形金剛:終極戰士》為主題,設計了柯柏文及大黃蜂的限量陀飛輪腕表。

http://www.memorigin.com 

點入行?

William表示行業對鐘表設計師有需求,有興趣人士可先修讀鐘表設計課程,掌握一定的設計概念及技巧,「首先要對機械有興趣,仲要有一定嘅市場觸覺,會時常留意世界發生嘅事,因為需要用新元素嚟設計手表。入行由初級鐘表設計師做起,月薪約$12,000至$15,000。」現時身為萬希泉行政總裁的 William,年薪超過 1百萬。

撰文:曾志恒
攝影:林文樂

 

    tvb4life 發表在 痞客邦 留言(0) 人氣()