陳敏之 窩心照顧前輩

贊助商連結

《溏心風暴3》係無綫今年嘅重頭劇,過去兩輯係講海味舖同月餅店,今輯又講啲乜呢?據悉,因為今次有翠華茶餐廳做贊助,所以就會講一家之主嘅夏雨,靠沖港式奶茶起家嘅故事。

既然有贊助商,東姑同好多觀眾都好驚,到時啲餐廳景都係喺翠華入面拍攝。不過,《溏3》總監製劉家豪就話:「當然唔會啦!上次《家好月圓》都有餅家贊助,但故事都唔關事o架,咁啱係有茶餐廳贊助啫。」而新劇嘅茶餐廳名叫「家昌茶餐廳」,寓意家和萬事興。

早排,東姑冇乜嘢做,於是諗住去深水埗間老字號「雪山茶餐廳」,歎吓菠蘿包同奶茶,點知就撞啱嗰日《溏3》包咗場拍戲。雖然冇好嘢食,但係就有功課交。最近,天氣好鬼熱,當陳敏之同黃宗澤喺茶餐廳歎冷氣嘅時候;李司棋同夏雨就要企出街等拍攝,而為咗連戲,佢兩個仲着咗鬼死咁多衫,所以搞到大汗叠細汗,兼溶晒啲妝。幸好,細心嘅陳敏之即刻上前,幫兩位前輩抹汗兼補下粉,東姑睇到呢啲場面都覺得好窩心。

夏日炎炎,一行出室外個個都大汗疊細汗,而夏雨同李司棋為拍新劇《溏3》,仲要着長衫長褲,難怪兩人熱到面紅紅。

 

細心嘅陳敏之見到前輩李司棋個妝溶咗,即刻上前幫忙抹汗兼補妝。

 

等埋位拍劇嘅黃宗澤,雖然心不在焉,但係求其一個姿勢已經有型有款。

    全站熱搜

    tvb4life 發表在 痞客邦 留言(0) 人氣()