陳志健5粒鐘成魔

贊助商連結

○六年香港先生亞軍、「死神」羅樂林嘅女婿陳志健,剛去完橫店拍無綫新劇《宮心計2•深宮計》後,日前又為網劇《降魔的番外篇 –– 首部曲》開工,不但要喺烈日下開外景,劇中飾演「噬靈魔」嘅佢,單化個妖魔妝,既要黐假鼻、耳仔及指甲,身上又要噴油,前後搞足五粒鐘,都咪話唔辛苦。

當日,陳志健化完妝,仲要着上一套連毛嘅盔甲戲服,喺荒山野嶺度走嚟走去,吊完威吔更要跟張㬢雯對打。好彩,嗰日拍攝順利,可以提早收工。陳志健同東姑講,對呢個角色都好深刻︰「咁熱都驚中暑,加上我又戴咗假牙,所以我冇食午餐,只係不停飲水,今次係好大嘅挑戰!」東姑都希望你有大回報啦!

佢拍《深宮計》嘅一場吊威吔戲時,意外遭威吔打傷左邊眼角,現已冇大礙。

 

陳志健喺化妝間化妖魔妝期間,經過嘅陳山聰初時都認唔出係佢。

 

陳志健呢個「噬靈魔」嘅造型,爛臉、爆嘴、一臉猙獰嘅樣,都幾駭人。

 

化行妝嘅佢,又由頭包到落腳,喺烈日下開外景拍打戲,肯定係體力嘅挑戰。

    全站熱搜

    tvb4life 發表在 痞客邦 留言(0) 人氣()