做了 6年多電競主播的 Dexter,主要走搞笑生鬼路線,在網絡世界有一定數量的支持者,「做電競主播要面對大量觀眾對自己嘅評價,當中有好有壞, EQ要夠高先堅持到落去。」

青雲路 Premium Position

《英雄聯盟》電競主播 開公司搞電競活動

贊助商連結

近年在外國流行的電子競技,隨着宣佈 2022年杭州亞運會將電子競技成為正式比賽項目,漸在香港得到廣泛討論,同時亦帶動電子競技相關產業發展。做了 6年多《英雄聯盟》電競主播的 Dexter(韋漢銘),希望藉此機會大展拳腳,與友人 Andy在年初創立了電競公司 Avenger Productions,提供電競比賽籌辦及網上直播技術支援服務,希望乘這電競熱潮得以發展,及推動電競活動。

訪問當日, Avenger Productions正為第二屆聯校電競大賽籌辦比賽事宜,比賽選手故然打得激烈,身為 Avenger Productions創辦人及行政總裁的 Dexter也忙出忙入,兼顧比賽直播及主播的工作,「我哋提供電子競技比賽籌辦服務,今次係以顧問形式支持呢個聯校活動,策劃比賽流程、提供賽事評述人員及直播技術支援等。」
今年 28歲的 Dexter亦是一名電競主播,主要主持《英雄聯盟》的賽事。他有一個為人熟知的外號「肥仔水」,「喺做比賽主播時,形容資源好豐富嘅英雄時,講咗句『肥仔過肥仔水』,之後觀眾就開始叫我做肥仔水。」
06年中五畢業後, Dexter便投身社會工作,做了幾年倉務員,到 10年返內地發展,「有親戚做電子代工,我經介紹入行,去展覽會同品牌傾合作,然後接單做遊戲設備代工。」

應徵英雄聯盟主播

喜歡打機的 Dexter, 12年看到有電競公司 iGamer招募電競比賽《英雄聯盟》直播的賽評,決定去嘗試,「一直有玩呢隻 game,佢哋舉行選拔賽進行篩選,最後我入圍成為 6位準旁評之一,接受為期 1個月嘅訓練,要習慣望鏡頭講嘢。初時我唔習慣,會下意識避鏡頭,之後開始以兼職形式去做,有賽事就會搵我。」
自此 Dexter開始踏上電競主播的生涯,他表示最初的困難是面對觀眾的負評,「每次做主播前,我都會睇選手過往嘅比賽,平時用開邊個英雄、慣用戰術等;比賽完咗,返到屋企會睇番重播,覺得自己都好畀心機,但見到觀眾留言話悶、講得唔好,又質疑我唔夠資格,其實係有啲難受,我之後會分邊啲係有理,邊啲係無理嘅人身攻擊。隻 game有個人牌位,當時分銅、銀、金、白金及鑽石,我得銀,係冇乜說服力,我之後花時間打上去鑽石,觀眾就會尊重番我。」




Dexter表示現時電競比賽多是由 2名或以上主播搭檔,「雖然做主播最好保持中立,但有時搭檔間各有立場,評述時較易炒熱氣氛。」圖為 Dexter與電競隊伍 PandaCute的夢兒,合作主持第二屆聯校電競大賽的其中一場賽事。


第二屆聯校電競大賽由 Dexter擔任顧問,幫手籌辦比賽事宜, Avenger Productions就作直播支援的工作。圖為《英雄聯盟》的比賽場面。


電子競技是比賽選手使用電子遊戲作技術及戰略的相互較量,對時下的年輕人十分有吸引力。 肚痛都要頂硬上

在做電競主播期間, Dexter表示面對不同突發事件也要臨危不亂,「頭一年可能只主持幾十場賽事,慢慢去到 1年主持過百場。試過直播時,自己睇個 mon甩咗線冇畫面,要一邊通知工作人員出咗問題,一邊同觀眾交代冇咗畫面,又要搵嘢講拖時間,唔可以尷尬;我仲試過直播時肚痛,點都要頂硬上。做電競主播大多會係 2個人或以上一齊主持,賽前每人有自己偏向支持嘅隊伍,個氣氛會較好,呢啲都要做咗一段時間先摸索到。」
隨着近年電競市場發展, Dexter與拍檔 Andy決定在今年 2月創立 Avenger Productions,成立半年已經簽下價值 400萬的合約,「見到政府開始投放資源推動電競發展,電競業前景可能有更好嘅發展空間。幾年前,我已經同幾個朋友兼職做緊電競直播嘅技術支援,想試吓新嘅發展,於是自組公司,𠵱家同台灣嘅線上遊戲代理商 Garena,及一間美國遊戲公司台灣電競館傾成合作,做直播支援工作。」
http://www.avgpd.com 




每次主持一場比賽前, Dexter都會看熟選手資料及遊戲版本的更新資訊,在評述時可用更多角度帶領觀眾觀賞賽事。


旅發局在 8月 4日至 6日舉行的電競音樂節, Dexter會擔任當中電競比賽的主播。


Dexter(中)與 Andy(左)認為電競業在政府的推動下會有更大的發展空間,於是成立公司 Avenger Productions,提供電競比賽籌辦及網上直播技術支援服務。 點入行?

有興趣入行當電競主播的人士, Dexter表示抗壓能力好重要,「可以留意電競公司嘅招幕活動,𠵱家入門門檻會較高,玩遊戲要有一定水平,對遊戲有充分了解,平時亦要花時間去準備資料。另外,好多時要面對網上唔同觀眾嘅評語,有好亦有壞,需要抗壓能力去面對。初入行做電競主播, 1場賽事約收$100至$200,每場賽事約 60分鐘,累積到一定人氣及經驗後,可升至$500至$800。」身為 Avenger Productions創辦人及行政總裁的 Dexter年薪超過 40萬。

撰文:曾志恒
攝影:林文樂、葉偉豪、部分圖片由被訪者提供

 

    tvb4life 發表在 痞客邦 留言(0) 人氣()