拍終極火辣照 袁嘉敏大爆娛圈黑幕

贊助商連結

入行八年的袁嘉敏接受《東周刊》專訪大爆娛圈黑幕,她表示會將個人辛酸史出書,並會拍下終極火辣照,從此正式「封咪」。

於2009年參選港姐入行的袁嘉敏,一直以來於無綫的發展平平,她於2013年約滿無綫後,便解開衣鈕跳入大銀幕,於兩年內拍了五部「牀戲」。她更露點拍攝三級片《鴨王》,並成功晉身成「性感女神」,工作和收入也增加不少,更由中環山腳進駐半山。她日前接受《東周刊》獨家專訪大爆娛圈黑幕,她指出,於幕前拍攝情慾戲時被人「霸王硬上弓」,於幕後又被「中間人」設局兼侵吞「利是」,但自己勢孤力弱,惟有啞忍。最令她傷心的是,連男朋友和身邊好友也毫不諒解,她更忍不住落淚。

 

 

入行八年的袁嘉敏接受《東周刊》專訪時大爆娛圈黑幕,並表示將會把個人辛酸史出書。

袁嘉敏透露,近兩年大概推卻了一百單「飯局」,價錢由二十至兩百萬不等,「佢哋好多係喺微訊度問,愈來愈猖狂。例如︰先話有工作搵我,試過話請我去北京出席一個公司周年晚宴,我問晒啲基本資料,臨上機前,嗰個人竟然話個周年晚宴得佢同我兩個人。又試過,佢叫你買張機票去邊度,話落咗機有車接,我梗係全部都冇去。其實,喺內地登台,我都試過俾人逼去食飯,我唔肯去,可能咁得罪咗人,有人喺網上寫我『兩萬八蚊唱歌包埋上牀』,我每次睇到都會喊,因為根本唔係事實!」

類似事件不只限於內地,香港也一樣發生。袁嘉敏爆料,指出曾有個電影圈前輩邀請去食飯,「嗰日四個人食飯,席間好正常,但臨尾個前輩叫我去廁所。我十分鐘後返嚟,當時有個男人手震震咁拎住封利是俾我,仲話︰『祝我身體健康。』嗰封利是有近一萬元,個前輩見到,竟然出手搶咗封利是。個前輩喺圈中係好有公信力,對於呢件事,我都好驚訝!之後,佢都仲有再搵我,但我就冇再去。」

袁嘉敏表示身上的「問價」事件,也可謂層出不窮,竟然連的士司機都對她垂涎,「有日我電召的士,嗰日我都着咗黑色風褸,好密實;但事後,個的士佬竟然發短訊俾我︰『我今晚同你去酒店,幾錢一晚?』又試過call貨車,個貨車佬又寫埋啲『我好興奮』嘅留言,我即刻block(封鎖)咗佢!」

於2009年參選港姐入行的袁嘉敏,一直以來於無綫的發展平平,她於2013年約滿無綫後,便解開衣鈕跳入大銀幕,於兩年內拍了五部「牀戲」。

 

袁嘉敏透露,近兩年大概推卻了一百單「飯局」,價錢由二十至兩百萬不等。

 

今年初,袁嘉敏在社交平台上載全裸照一張,留言自己因感情事非常糾結,事後她解釋拍裸照時正是沖完涼一刻,寓意自己有個一個新開始。

全站熱搜

tvb4life 發表在 痞客邦 留言(0) 人氣()