酷熱的天氣,汗水分泌得多,自然惹蚊,自己製作天然蚊怕水驅蚊,讓上班一族隨身攜帶,十分方便。

上 COURSE

做好夏日防蚊蠓操施 自製蚊怕水及止痕膏

贊助商連結

夏天三十幾度,熱得出汗又出油,十分惹蚊!有時寧願𢱑至皮破肉損,都不願痕癢難耐,不想手手腳腳滿是蚊螫,可以嘗試自行製作天然蚊怕水及止痕膏,可防蚊叮蠓咬之餘,對皮膚的傷害也較少,更可調節自己喜歡的氣味,適合打工仔隨身攜帶。

課程由本式工作坊的導師 Piena任教, Piena為註冊香薰治療師,喜研各類天然護膚產品,今次她教製作天然蚊怕水及止痕膏。「人人都會俾蚊咬,但坊間蚊怕水及止痕膏嘅化學成分會比較高,未必個個啱用,所以我會教大家用植物精油及天然嘅材料去整蚊怕水及止痕膏。」

大包圍精油防蚊


Piena 導師學員以女士為主,有媽媽及 OL,年齡約 20至 60歲,但最近都多咗男士嚟上堂。大家都想製作天然成分高嘅產品,對身體都好啲。

製作蚊怕水的材料包括驅蚊精油、精油分散劑、純水及抗菌劑, Piena表示:「一般製作蚊怕水會用上香茅精油,但𠵱家有某品種嘅蚊係唔怕香茅,所以我會採用大包圍嘅方法,落埋其他蚊會怕嘅味,好似檸檬草、檸檬尤加利及薰衣草。」
是次製作的蚊怕水,除了可防蚊叮外,還可以有效預防蠓咬, Piena說:「我仲加入咗黑胡椒精油,辛辣嘅味道有效防蠓。」加入抗菌劑後,天然蚊怕水可以存放半年。

薄荷腦止痕


Phoebe 學員俾蚊咬完,一痕就會想𢱑,學識咗整止痕膏就唔怕再忍唔住𢱑損晒,搽後仲有清涼嘅薄荷味,好醒神!

若百密一疏,還是被蚊襲擊了,可製作止痕膏以減輕痕癢。 Piena指薄荷腦是止痕膏的主要成分,「薄荷腦有殺菌及少少麻醉作用,會有效止痕;另外,我仲加入薰衣草精油,令氣味香啲之餘,仲有舒緩蚊咬傷口嘅作用。我哋教大家整嘅止痕膏同樣冇加防腐劑,可以保存 3個月至半年。」 Piena提醒 G6PD蠶豆症患者不適宜使用。

製作蚊怕水

 




1.先加入香茅、檸檬草、檸檬尤加利、薰衣草、黑胡椒及薄荷等軀蚊精油,每款 10滴,共 3ml。


2.加入與精油分量為兩倍的精油分散劑,即 6g並加似攪拌,令之後加入的純水可以與精油混合, Piena說:「若擔心分散劑有化學成,亦可以用酒精代替。」


3.加入純水 90g後,再次攪拌。


4.最後加入 1g抗菌劑,令蚊怕水可以存放半年。


5.入樽後,完成。 製作止痕膏

 




1.將 42.5g的甜杏仁油及 5g蜜蠟隔水坐熱混合。


2.離火後,加入 1g薄荷腦並攪拌。


3.然後加入薰衣草精油 1g。


4.攪伴後入樽,完成。

課程:夏日防蚊工作坊
機構:本式工作坊
日期: 7月至 8月期間
費用:$380(包材料)
內容:教授學員在課堂上製作天然蚊怕水及止痕膏,解釋各精油的特性及功用,按學員的喜好及需要,調節合適的氣味及成分。
查詢: 6113 2809
facebook@back2basic.com.hk

撰文:霍芷晴
攝影:林文樂
部分圖片由被訪者提供

 

    tvb4life 發表在 痞客邦 留言(0) 人氣()