Jonathan表示現時保安系統應向智能生活方面發展,用智能手機控制家中不同的保安系統,是公司將要發展的方向。

青雲路 Premium Position

保安系統公司 開發自家品牌智能系統

贊助商連結

作為保安系統公司 Magarita老闆的 Jonathan,於 10年開始打理公司,他認為保安系統當然愈難被賊人攻破愈好,但另一方面也要以客人使用方向去考量,提供更便利的使用環境,於是成立自家開發團隊,研發集多功能於一身的智能保安產品,以客為本的服務態度,受不少商戶及住戶的歡迎,現時與他合作的客戶超過 3千個。




由 Magarita開發的智能小立方,可利用手機 app與產品互動,直接開啟門鎖,方便用戶使用。

42歲的 Jonathan是保安系統公司 Magarita的老闆,除主力提供安裝及維修保安系統服務外, Magarita還有自家的產品開發團隊,「我哋會幫客戶安裝閉路電視、警鐘、隱藏式夾萬等保安系統,當中要解答客戶問題;另外,因應市場嘅需要,我哋開發新嘅智能保安產品,令客人更方便使用。」 Magarita的客人一半是住宅,一半是商戶,安裝保安系統收費由 2千至 80萬都有。

屋企人做水電

在澳洲修讀工商管理的 Jonathan, 98年畢業回港後從事市場推廣的工作,在朋友的邀請下, 09年成為了 Magarita的股東,「 Magarita其實係我朋友創立,當時佢搵我做 partner入公司幫手。我屋企係做水電維修,細細個已幫手看店,耳濡目染下對零件裝配有一定嘅認識。讀大學時,我有選修 computer science,有基本嘅電腦底子,公司工作上需要同客戶講解保安系統點操作,同時亦要同安裝師傅溝通,對我嚟講工作會較易上手。」
10年, Jonathan接手了 Magarita,開展了自己的事業,「做咗大半年,其他 partner對呢行始終冇興趣,都陸續退股,反而我覺得呢行幾有趣,接觸到唔同嘅客人,住宅、商店及辦公室都需要保安系統,米蘭站、 Mioggi等品牌都係我哋嘅客戶。」




手機 app介面清晰,令用戶易於使用。


智能小立方設有監控鏡頭,有訪客按門鈴時會拍下照片傳至戶主手機,留下紀錄以便日後翻查。


智能小立方有多種的開門認證模式,例如用戶可透過手機 app以輸入密碼方式開門。 應客人要求安裝

安裝保安系統並不是千篇一律,每個訂單也需要因應環境及客人要求去完成,「接到訂單後,我哋會先到現場視察及了解客戶有乜嘢要求,例如留意單位有冇易攀爬入屋嘅位置,需要重點加強呢個位置嘅保安裝置,又要睇閉路電視安喺乜嘢位置等。有啲客人想喺睡房內裝閉路電視,以便去旅行或公幹時監視家中財物嘅狀況,平時又唔想錄到自己。我哋可以整訊號識別裝置畀個客人帶喺身,閉路電視感應到個訊號就會停止運作,訊號離開一定範圍後就會開始錄影,保障到客戶嘅私隱,又起到保安嘅作用。」
系統安裝完成後, Jonathan表示售後服務也十分重要,「客戶嘅警鐘響會有訊息通知我哋,我哋會向客戶跟進,問番係誤鳴定係出咗事。如果係客戶未熟悉點用,我哋會詳細同佢哋講解番。另外,我哋會定期為客戶檢查保安系統,警鐘嘅後備電源就嚟冇電,我哋會收到訊號,就會出動進行更換。客人見到你服務好,自然容易建立到口碑,再推薦畀身邊嘅朋友。」




Jonathan(左二)不時會與同事商討新產品的開發方向,「除咗功能外,外觀都係我哋嘅考慮因素,望落簡潔美觀會令客戶更易接受。」


Magarita另外開發了尺寸較大的門立方保安系統,可以獨立對應多個單位,適合住宅及商業大廈使用。 開發智能系統


裝置亦可以紀錄個人八達通的條碼,以拍咭方式開門。

12年, Jonathan決定成立開發團隊,開發自家品牌的保安產品,「坊間嘅公司多數採用外國品牌嘅保安系統,做埋研發更加係少之又少。但我想設計更方便客戶使用嘅智能保安系統,喺 15年開發咗手機 app及產品智能小立方,只有普通門鐘嘅大細,就包含咗密碼鍵盤、門鐘、視像對講嘅功能,用戶可以用手機遠程控制個門鎖及作視像通話,𠵱家唔少公司客都有採用。嚟緊我哋會走智能保安嘅方向,盡量令客戶方便使用。𠵱家實測緊信箱、櫃桶嘅鎖加入埋手機開鎖功能,應該今年內就可以推出市面。」

網址: http://www.magarita.com.hk 

點入行?

對於有興趣加入保安系統公司工作的人士, Jonathan表示積極主動會優先考慮,「工作要時常與客人接觸,講解系統嘅運作及解答客人嘅問題。面試時,我會留意應徵者嘅性格夠唔夠主動,及識唔識得尊重人,我哋會安排新入職同事上 3個月嘅保安技術員課程,了解保安系統,之後要向警察牌照部申請保安人員許可證,拎到證先可以正式工作。」初入職的保安系統技術員,月薪約$10,000起,現時 Jonathan年薪約 80萬。

撰文:曾志恒
攝影:林文樂
部分圖片由被訪者提供

    tvb4life 發表在 痞客邦 留言(0) 人氣()