Tim不論落雨還是打雷,他都會教客人滑水,自己更會忍不住露兩手,「鋼索滑水容易平衡,做到花式嘅機會高啲,感覺真係唔錯!」

青雲路

風雨不改 教鋼索滑水

贊助商連結

夏日炎炎,水上活動百花齊放,識玩一定玩滑水,有型又有挑戰性,定能吸引不少目光。但要跳得起又做出花式,平衡力要好之餘,更需要無數次失敗及練習,花上不少時間。
大埔白鷺湖互動中心提供全港唯一的鋼索滑水設施, 80後滑水指導員 Tim教了滑水兩年,他指比起傳統滑水,在鋼索帶領及指導員的教導下,連新手都可以做到簡單的招式!因鋼索滑水不太受天氣影響,故 Tim風雨不改帶大家體驗滑水的樂趣。

採訪當日,碰巧是風和日麗的好天氣,很適合進行戶外水上活動, Tim表示其實任何季節都有人來滑水,他認為鋼索滑水受天氣的影響不算大,加上只要天氣影響不了設施的運作,中心都會如常開放,「只要唔係紅雨黑雨,平時落雨我哋都照開,反正落水都係會濕身。至於雷暴,我哋會睇天文台嘅資料顯示,如果喺 10公里範圍內影響唔到,我一樣會教人滑水;冬天以為會少啲人?有人霜降都照嚟呀,真係風雨不改㗎!」
若打風時,風速太強勁,影響到鋼索的穩定性,中心會暫停開放,「我哋都有配合天氣嘅特別操施,喺冬天,我哋會加設暖水按摩池,等客人玩完水上活動後,都可以保持身體和暖,試過有客人浸咗成日先走。」一身黝黑膚色的 Tim,說起滑水時顯出一臉雀躍,「唔理好天定落雨,除咗教人外,我都會練習,希望改進自己嘅技術!」
Tim在大埔白鷺湖互動中心擔任滑水指導員近兩年,中心設有鋼索滑水,在湖中以鋼索拉起滑浪板,比起傳統在海上以船拉起滑浪板容易控制及平衡, Tim表示很適合初學者嘗試,是體驗滑浪感受的最快途徑之一,「傳統用船嘅滑水,着重平衡力,初學者要試好多次先做到起水企喺度;鋼索相對船會容易就力及易啲平衡。喺海中滑水仲要考慮海浪嘅大小、有冇暗湧及船家駕駛嘅速度,危險度及難度相對大和難預測,鋼索滑水安全得多。」

用離心力玩花式


Tim指滑水的基本裝備包括頭盔、救生衣及滑浪板。

鋼索滑水分為慢、中及快 3個速度,可按客人的程度來調節, Tim說:「對於初學者嚟講會比較安全及容易操作,而中階及高階嘅客人,亦可以借用花式用滑浪板,配合障礙物及跳台使用,去練習花式。」 Tim隨即示範了初、中及高階的花式各一款,在湖中踏着滑浪板飛馳,確是有型,「其實傳統滑水及鋼索滑水嘅花式差唔多,但前者係用海浪嘅衝力作為動力,後者就係用離心力,喺技術上會有啲唔同,需要時間去習慣及揣摩。」
今年 28歲的 Tim,於 11年在港修畢斯威本理工大學的平面設計銜接學士學位課程,畢業後,他先後當過咖啡師及從事設計工作。他很喜歡戶外活動,曾參與過三項鐵人比賽,故游水、踩單車及跑步都難不到他,「兩年半前,我開始玩滑水,覺得好好玩,好有挑戰性,每做到一個動作都好有成功感,加上想轉換工作環境,自己又咁鍾意水上活動,所以就想去水上活動中心工作。」
15年, Tim開始在白鷺湖中心工作,起初他只負責中心的設計及發展工作,然後因有滑水底子,便嘗試當滑水指導員,「喺白鷺湖做滑水指導員暫時無需考取牌照,但對滑水要有一定程度嘅了解,通過中心考核就可以指導客人。」

不同客人不同教法

客人的類型很廣,多數是 20至 30歲,小至 6歲都有。教不同客人,他都有相應的方式配合,「每個人嘅程度都唔同,我覺得要設計適合各類型學員的教學方法。好似全條鋼索長 150米,我哋唔會一嚟就推小朋友玩晒全條,要確保家長陪同或喺附近,然後先試半條賽道,循序漸進慢慢令佢習慣。」
試過有一位女仔不懂游水但想試玩, Tim也幫助她,「原來佢好怕水,我叫佢着兩件救生衣,及浮半個人喺水面,幫佢克服安全感嘅問題,再教佢滑水嘅技巧,每一次再改進,睇到佢成功,真係好開心。」他亦遇過困難的個案,「有時客人太緊張,緊張到根本指導員講嘅嘢都聽唔入耳,做又做唔到,都真係幾無奈。惟有每次講少少步驟,逐步逐步去完成。」




中級動作: Kicker Approach採訪當日, Tim示範了不同動作,這個動作可以跨越障礙物,在跳台上起跳。


高級動作: Corner Raley整個人像會飛出來似的,水平飛過半空,十分厲害。


鋼索滑水用鋼索的拉力作為起動力, Tim表示會比船的拉力更易平衡,「鋼索喺由斜上方拉,借力位會比較省力;船嘅拉扯係水平,相對難啲借力。」 有靚女客人

暑假月份是旺季,星期六日幾乎爆場,滑水每日有 4節,每節兩個鐘,最多 5人,每位收費$300,假日$360,通常要早一至兩星期預約。 Tim說:「雖然客人多數係男士,但都有唔少靚女嚟試玩。」當大家以為冬季會比較少人, Tim卻說冬夏季的分別不算大,客人約少兩至三成,「冬季我哋會開放暖水按摩池畀客人玩完浸下,所以都 keep住有人嚟學滑水。」
現時 Tim除了負責宣傳的平面設計工作外,還會參與設計滑水道方面的策劃,「喺機器組裝、維修及保養方面,我都係邊做邊學,覺得識多咗嘢,幾有新鮮感。」




Tim(左)與客人的關係很好,已儲有不少熟客。他表示滑水的客人以男士為主,「大家不時會交流滑水嘅招式,都幾開心。」


Tim(左)與其他工作人員會分工控制設施及指導客人的動作。


除了指導滑水外,滑水台的清潔都由指導員及工作人員負責, Tim說:「每節嘅時間都好緊接,每當客人玩完,我哋都會盡快清潔及整理器材。」 後記:事後的痠痛

夏天是水上活動的季節,雖見 Tim示範的招式很厲害,濺起的水花亦充滿夏天的熱情,但只是看着大家玩,記者已想像到他們事後,手臂的肌肉痠痛,會是何奇難受……為了可以用雙手打字並準時交稿,記者還是玩玩旁邊的水上充氣設施好了。




Carson/客人我之前冇玩過滑水,對於初學者嚟講,我覺得呢個湖冇浪,比起喺海滑水安全好多。教練仲會按程度嚟教,當做到某啲動作時都好有成功感。


客人/Vanho朋友介紹所以一齊嚟玩,我之前有玩過傳統船嘅滑水,兩者相比,鋼索滑水會易啲上手,加上成個設施運作會穩定啲,可以專注學習唔同嘅招式。 玩前練習

 




與客人進行正式滑水課前, Tim(右)會先與客人在地面上做熱身及教他們基本起水動作,「拉住手柄,未起身時,要保持兩臂伸直,雙腳則呈屈曲。」


模擬起水後,客人的雙手同樣要保持伸直,雙腳微曲及前後企。


正式開始前, Tim會教客人在水中轉身,「因為滑水途中一定會有甩手嘅情況,若客人係初次試玩滑水,冇咁快適應到雙腳固定喺滑浪板上,要先畀佢哋習慣及要學識轉身,以便重新捉住手柄。」 點入行?

在白鷺湖水上中心當滑水指導員無需考取牌照,可以於中心由助教開始做起,一邊接受滑水訓練至達標程度便可成為滑水指導員。若想當滑水教練,指導學員在海上滑水,則可參與香港滑水總會所舉辦的滑水教練課程,然後登記成為註冊認可教練,然後可以留意坊間滑水會的招聘資訊。

白鷺湖互動中心
http://www.lakeegret.com 

晉升階梯

高級滑水指導員
$15,000至$18,000

初級滑水指導員
$10,000至$12,000

滑水助教(無需經驗)
$9,000起

撰文:霍芷晴
攝影:林文樂

 

    tvb4life 發表在 痞客邦 留言(0) 人氣()