大酒店( 45)資產豐厚,包括尖沙咀半島酒店,八十年代曾遭劉鑾雄狙擊,嘉道理家族現持有五成三股權。

中環人語

深紅二代威脅大酒店

贊助商連結

由嘉道理家族控制的大酒店( 45)股價與資產淨值折讓逾四成,近日披露由一名僅三十二歲的坡仔蔡華波( Chua Hwa Por)從 broker手上接貨至 10%,即引來狙擊疑雲。

蔡華波此人從未曝光露面,但似乎水喉充足,年初花過千萬從英國買入贏過大不列顛錦標賽的「赤兔名駒」。蔡華波年紀輕輕且初次養馬,看其出手非等閒之輩;追查落去,發現他與習近平訪港時的大內總管栗戰書的女兒——栗潛心關係密切,二人共同成立一間叫 Chua& Li Membership Company Ltd,二人同樣報住赤柱灘道六號,物業前身名為麗安閣,是新華社接待政要及上賓之地,前社長周南亦曾居於此,○七年由中國海外向中聯辦收購重建為豪宅,四年前由栗潛心為董事的海外公司,以$1.17億購入其中一間獨立屋,栗潛心曾任建銀資產管理聯席董事,現時在中信資本做副總裁,亦是紅色商會華菁會的副會長;蔡華波出手掃 10%大酒店,資金動輒要廿億,自然財來自有方。以大陸官場之哲學,有權勢就有財富,栗潛心父親栗戰書是習近平愛將,任中共中央辦公廳主任,祖父栗政修為中共地下黨員。蔡華波同此深紅女子行得咁埋,掃起你大酒店都咪話冇可能!




栗戰書習近平的愛將,現任中共中央辦公廳主任的栗戰書早前陪同習大大訪港,其女兒栗潛心活躍紅色商界。


栗潛心


米高嘉道理每逢週末都愛到大酒店( 45)旗下的淺水灣酒店食飯。


赤柱灘道六號,前身是新華社的「麗安閣」,用來招待政要之用, 07年由中國海外收購重建為豪宅,栗潛心以海外公司名義購入其中一獨立屋(紅箭嘴示)。 中環寸嘴 有錢佬放個屁都香啲


楊國佳香港一年放幾次煙花,我隨時請埋朋友坐船去睇都得。

工廈大王楊耀松長子,八十年代往北美洲開山劈石,做一帶一路先頭部隊,自比為星仔變星爺前冇人懂欣賞其無厘頭文化,廿年後終於領略當中奧妙,與粉絲分享在北美洲各路人士交手經歷,絕不老點。

我不時都請朋友出海睇煙花;但七.一去咗回歸廿周年晚宴,初初講到習大大會出席,有銀紙都買唔到枱,要「飛士」搭夠,乜叫「飛士」,天曉得,總之臨尾有飛入場啦。以煙花嘅水準,我睇香港再過廿年都係咁!
廿年前喺青馬橋放煙花 pattern我最有記憶,雖然短短哋幾分鐘,好似瀑布咁,嗰次係得到小學同學蔡冠深眷顧,「掹衫尾」坐船去霸頭位睇煙花,啲阿太喺隻船度「啷吓啷吓」,嘔到好似小瀑布咁。
香港一年放幾次煙花,環保團體都非常有意見;晚宴上兩個煙花贊助商嘅接班人,就上台講嘢,乜乜「欣欣向榮」,行貨到唔行,一啲都冇年輕人嘅活力創意,正一「幼承庭訓」,唔似得係「優化」咗嘅庭訓;雖然佢哋 Born with a silver spoon,但都要百煉鋼先得,純銀度或飾金度太高,會軟「瀨瀨」㗎。
有人話我成日對飲食有所批評,其實我想幫吓香港咋,都唔知點解香港自稱飲食天堂,我唔篤爆佢又點自稱姓楊呀?有時啲企枱唔知,以為我好似普通「食評家」收咗紅包就講好,冇收就唱衰,好彩人哋話我堪稱香港最有錢食評家,直頭 massage到我個 soft spot!正所謂有錢佬放個屁都香啲,不過我又未去到神仙放屁,非同凡響嘅境界!以免影響大家食慾啦。




回歸晚宴紀念品包括呢個掛曆,用來撐住個福袋,正所謂廢物利用,應加以表揚,話晒係一代堪輿學家蔡伯勵著作,仲有五個月來指點迷津。


另一份紀念品係一支紐西蘭礦泉水,用來清吓個 taste bud都幾好。 農場變上等人俱樂部

香港有錢家庭愈來愈多,高級會所會籍有價,新世界( 17)旗下的 Hong Kong Golf& Tennis Academy位於西貢大涌口村山坡之上,聽講要兩百萬入會費,仲要經過遴選,睇吓閣下是否 golf及 tennis運動底子先有資格;入到去恍如世外桃源,一幢幢別墅供會員度假,一於搞名牌效應,由世界級 golf老手 Jack Nicklaus設計課程,及網球名將 Bruguera坐鎮,仲引入峇里名牌 Fivelements有瑜伽班,又有 spa,真係有錢就有生活品味。
其實,呢幅地有段古,前身是華興農場,主人李祥記係西貢市經營糧油、雜貨及火水的商人,以往在大涌口村養豬務農,睇農場個招牌就知其政治立場,其子李秉禮曾任西貢鄉事會主席,六七年暴動曾經被拉,後來獲釋。聽西貢鄉紳報料,李秉禮已過身,現時在此高級俱樂部邊皮,仍有一排原是農舍的石屋出租作汽車維修,由李秉禮老婆收租;但拍埋一齊睇顯得大殺風景!




外國流行 Golf Clinic,用以短期集訓,改善球技。


六十年代任西貢鄉事會主席的李秉禮曾發表文章為六七暴動說項,在報章遭到批評。


這一排石屋原來是華興農場的農舍,現為汽車維修店鋪。

    tvb4life 發表在 痞客邦 留言(0) 人氣()