葉家寶爆神救「亞視」

贊助商連結

舊年四月一日愚人節,亞視正式終止五十九年嘅廣播歷史,其實亞視臨執笠前幾年已經出現財困,冇錢製作節目之餘,更出現拖糧。但被譽為最忠心嘅亞視員工葉家寶,當時點都唔走,仲臨危受命做亞視執行董事,出盡力收拾殘局,點知一上場就被人告,收百幾張傳票兼罸款。

事過境遷,日前葉家寶去九龍城教會,同教友分享佢同亞視共存亡嘅最後四百五十天,佢話當年出現咗七大奇蹟,而最奇嘅一單係有次同電視台內部成立嘅祈禱會,一齊為亞視祈禱,之後就經歷神蹟。

事緣一五年嘅農曆年三十晚,亞視仲未有足夠現金出糧,佢正在擔心員工冇錢過年之際,咁啱當時競爭對手之一嘅StarTV想買亞視嘅資料庫,仲肯即時用現金立即過數。時間啱啱好,葉家寶覺得係神聽到佢嘅愛的呼喚。有神眷顧嘅佢,仲搵到份好工,o依家喺「創世電視」當總監,為神服務!

當日佢着到好似牧師一樣,仲以為佢轉咗做神職人員㖭。

 

佢話救亞視嘅原來有七大奇蹟,覺得神係有伸出上帝之手幫佢。

 

同亞視感情深厚,之前佢講起亞視執笠,一講即喊。

 

葉家寶出名對下屬好,所以當年被告上法庭,獲不少幕後及藝人黎燕珊、魏秋樺等力撐。

    全站熱搜

    tvb4life 發表在 痞客邦 留言(0) 人氣()