宋熙年、陳智燊舉「3」宣佈有喜?
贊助商連結
陳智燊(Jason)、宋熙年(Sarah)去年10月拉埋天窗,兩公婆都講過要專心搵銀,享受二人世界,未有造人計劃。不過昨晚兩位夫妻檔出席活動,並上載合照去社交平台晒恩愛,Jason舉起「OK」手勢,仲留下玄機問網民「what does it mean?」睇嚟有喜事想宣佈喎!
有數得計,2+1=3,唔通Jason、Sarah宣佈榮升做準爸媽?加上Sarah在相中躲在老公背後,疑似遮肚,令不少網民都恭喜兩位「Family of 3 is coming!」、「3 months baby!」、「Congrats guys!!」其實大家都係得個估字,未肯定Sarah是否有喜,恭喜定先都無所謂啦。

唔通陳智燊舉「3」宣佈宋熙年佗B?

宋熙年似在遮肚影獨照。

兩公婆常在網上放閃,非常恩愛。
