沙嗲雞/牛( 6串)$98大家唔使去我極力推薦嘅「沙嗲軒」,近兩三年超級難食,沙嗲又唔正宗,切到一個個 cube,然後串起, no way!「馬來一菜館」嘅沙嗲非常正宗,細細條,一條肉好似穿線咁一上一下串成一串。味道就因人而異嘞,我唔鍾意!因為 cumin味太重,一食就係「阿差」味,蓋過晒花生醬及本身嘅肉味。

So Comment

馬拉首富飯堂 馬來一菜館 地址:西環石塘咀 皇后大道西 508號 Hotel Jen 2字樓 電話: 2213 6613 (甲-) (蘇施黃)

贊助商連結

最多馬來西亞人去的餐廳
一講你就明點解。 Hotel Jen係屬於香格里拉酒店集團的,即是 under嘉里集團,即係老闆係郭鶴年,咁郭鶴年係馬來西亞首富吖嘛,路邊社話香港個個大孖沙都想向北看,可惜個個都損手爛腳,就算搵到亦唔多,唯一可以喺北面搵到錢嘅就係郭鶴年,因為佢唔係香港人,有一個異於香港人的思想頭腦。八完就講番食,如果我係香港首富,我去到世界各地都要有間超正嘅廣東酒樓或小館啦!咁所以香港有間「馬來一菜館」益吓我哋嘞!

食物

巴生肉骨茶$108
藥材味唔係好重,不過太甜,我本身亦唔鍾意深色嘅肉骨茶。選擇嘅肉亦太 meaty,我鍾意食一字排。



海南雞飯$118
啲雞肉暖暖哋,好奇怪,又有些少汁咁。我鍾意白雪雪, room temperature嘅雞,皮望落去已經要覺得係爽的。佢唔係唔好食,不過我覺得要切大嚿少少,唔要汁,唔要暖會好食啲。然後個薑茸又冇薑味,又唔香。失望。



印度薄餅配牛肉咖喱$98
哈哈!留意,主角係印度薄餅!
非常好食,選用牛𦟌,肉質正!薄餅亦好。



炒貴刁$98,必食!
用鴨蛋炒,叻!好正宗,好好食。「貴刁」係比較有彈性的,食落口係少少煙韌的,廣東河粉係滑的,冇呢個煙韌感覺,香港啲炒貴刁大多係用廣東河粉,炒出嚟碎濕濕。再留意肥芽菜,又肥又短嘅芽菜,夾幼幼嘅「貴刁」 perfect!

貓山王布甸$68
朋友食,我 pass,佢話好正!我食 Coconut Jelly$45
其實喺大菜糕上面加一片椰青肉, OK啦,啲大菜糕都有些少椰青味的。







總括:

我仲有好多嘢未食,朋友話 Laksa好正!
我只試了第一頁,仲有幾頁。

我唔喜歡的唔係佢煮得唔好,而係人人口味唔同,所以呢間「馬來一菜館」絕對會再試又試,因為佢好食的真係好好食。

地址:西環石塘咀皇后大道西 508號 Hotel Jen 2字樓
電話: 2213 6613

蘇施黃

資深電台人,天生異「口」,除了講嘢叻,食嘢同樣嘴刁,近年開咪、上電視做主持都不離教人食得精,吸引大批粉絲跟佢搵食。

攝影:蘇施黃

    tvb4life 發表在 痞客邦 留言(0) 人氣()