新版《射鵰》男角肌肉照晒冷

贊助商連結

無綫近日熱播嘅新版《射鵰英雄傳》,拍攝手法超乎觀眾預期,令人耳目一新,所以平均收視有成廿三點八,大陸劇嚟講真係算不俗。劇集中,除咗班索女角吸睛之外,男角都唔輸蝕,全部都係內地知名小生,既係演技實力派,亦都係來自「肌肉門」,皆因位位都將個body操到fit爆!

好似飾演郭靖嘅男主角楊旭文,畢業於中央戲劇學院,健碩外形加上純情形象,一早畀香港導演關錦鵬發掘拍電影《紐約紐約》。而飾演全真七子之一嘅邱處機,其實係四十七歲嘅內地知名小生邵峰,佢曾經係國民偶像,喺內地攞過「最受歡迎男演員」;佢keep得副偈好好,年近五十仲可以騷胸肌冧粉絲。至於,飾演楊鐵心嘅李宗翰今年四十歲,佢喺八五年已經做童星,有「第一小生」嘅美譽,多年來密密實實,但呢排肉體大解放,學啲「小鮮肉」玩晒腹肌。各位姊妹仲嫌唔夠喉,東姑再搜刮埋郭嘯天、裘千仞,兩大猛男嘅肌肉照,包保你目不暇給。

劇中,郭靖不時又孭又抱黃蓉,楊旭文少啲肌肉都唔得。

 

今年廿三歲、飾演郭靖嘅楊旭文,原來係大隻仔一名,體形健碩,仲有一雙麒麟臂,可惜喺劇中有乜機會畀佢騷吓。

 

飾演郭嘯天的邵兵,今年四十九歲,仍keep得一幅好身材,之前仲同雜誌影濕身騷胸肌照。

 

飾演郭嘯天的邵兵,今年四十九歲,仍keep得一幅好身材,之前仲同雜誌影濕身騷胸肌照。

 

李宗翰畢業於舞蹈學院,舞蹈底子令佢喺劇中耍「楊家槍法」時揮 灑自如。

 

飾演楊鐵心嘅李宗翰,今年四十歲,多年來密密實實,最近先公開佢副fit爆身材。

 

別人行性感之際,飾演黃藥師嘅苗僑偉,反高潮搞鬼搞馬,與黃蓉李一桐及郭靖楊旭文大玩飄浮照。

tvb4life 發表在 痞客邦 留言(0) 人氣()