李海生老當益壯
贊助商連結
人稱海生叔嘅無綫甘草演員李海生,年過七十歲,入行始於邵氏年代做龍虎武師出身,佢到o依家仲不時有喺劇集度亮相,更經常飾演武功高強嘅方丈大師。
查實佢真係真材實料有功夫底,東姑聽聞佢係詠春界嘅高手,唔怪得一把年紀依然老當益壯兼中氣十足。東姑成日喺九龍城撞到海生叔,每次見佢都係來去匆匆,行到健步如飛咁,認真服咗佢。
有次,東姑就見佢過馬路,竟然連紅燈都唔理照樣衝,都有少少戥佢覺得驚險。雖然電視廣告都有話:「再鋒利嘅刀,都有生銹嘅一日!」但係海生叔肯定寶刀未老!

武夫出身嘅海生叔,東姑見親佢都大大步,行到健步如飛咁。
