陳蕊蕊靚女多着數

贊助商連結

金剛嘅舊愛陳蕊蕊同林作等名人、明星,早排打咗場幫商品宣傳嘅籃球「友誼波」。賽後,林作就大讚蕊蕊,話佢唔識打波,但係企喺度都夠,又想知蕊蕊係咪單身,好似對人好有feel。

早排,東姑喺旺角都巧遇蕊蕊,佢着住一身運動裝,睇落好sporty;不過,正如林作所講,蕊蕊唔使真係運動健將,睇個look已經好夠照。

嗰日,見佢拎住部手提電話,去先達廣場搵人修理,隨身仲有個「觀音兵」傍實。嘩,靚女幫襯,電話舖男職員嘅服務都靈舍爽啲,呢啲咪就係靚女嘅本錢,認真着數多多囉!

 

 

當日,蕊蕊嘅打扮即使冇平常咁性感誘人,但呢身咁sporty嘅運動套裝,依然吸睛。

 

蕊蕊靚女梗係着數多,身旁既有四眼觀音兵貼身服侍,就連攞部電話去整,都專享店員殷勤嘅服務。

tvb4life 發表在 痞客邦 留言(0) 人氣()