張振朗扮「Cool魔」走火入魔

贊助商連結

備受無綫力捧嘅張振朗(Owen) ,呢期上位上到「嘭嘭聲」,睇個勢係要全力摧谷佢做一線小生,前途可謂一片光明。仲記得前幾年,佢畀人話「翻版黃宗澤」,之後又話似Chilam張智霖,佢仲因為模仿Chilam喺《衝上雲霄2》中嘅角色,而被封「翻版Cool魔」彈出添!

雖然Owen暫時未算獨當一面,但早排喺《全職沒女》嘅表現亦令佢人氣急升,日前,東姑見佢出席公開活動時,都有唔少粉絲追隨,就知佢幾咁受歡迎。不過,佢份人似乎都幾鍾意chok,同fans合照都要專登三七面,擺個「型英帥靚正」嘅角度先。

活動之後,佢再做獨行俠去行商場shopping,以為冇晒fans同觀眾,佢應該唔使繼續chok啦。誰不知佢去咗間太陽眼鏡專賣店,猛試黑超期間,都要照鏡擺pose;而且,佢就連女店員都唔放過,擺出招牌面帶酒渦嘅笑容狂電對方,霎眼間真係以為「Cool魔」再現!

張振朗戴住黑超呢個chok樣,就連東姑都差啲以為「Cool魔」又嚟啦!

 

張振朗以一副玉樹臨風嘅表情,試咗多副黑超,當場就算冇鏡頭、冇觀眾,佢都搞到自己好似model行catwalk咁款。

 

佢一支公行街shopping,似乎都好自得其樂,最後仲買咗幾副超添!

 

張振朗同親fans合照時,佢都要chok晒咁,擺個最靚角度先。

 

三年前,張振朗因為喺《Sunday扮嘢王》扮「Cool魔」神似而開始上位。

tvb4life 發表在 痞客邦 留言(0) 人氣()