傅嘉莉交低「功課」

贊助商連結

傅嘉莉(Kelly)自從同無綫簽咗長約之後,拍劇機會真係猛咁來,之前有《財神駕到》、《乘勝狙擊》、《我瞞結婚了》,一連三套劇佢演嘅角色都勁討好,近乎「植入式」樹立佢「入屋」嘅形象,唔怪得就算有傳佢搭上已婚富商呢啲緋聞出現,都唔阻佢繼續吸納fans啦!

不過,佢又唔係一味冇付出,早排,東姑發現佢對啲粉絲都相當唔錯吓。嗰日,佢做完嘢已經好夜,助手趁離開前,企街畀咗成叠嘢佢簽,咁十萬火急仲以為乜重要文件?原來係有佢嘜頭嘅小海報,相信係簽名送畀粉絲嘅。話時話,呢排佢冇劇開,又唔知同邊個富貴friend去遊埠?社交網見佢身處意大利歎緊世界,不過,離開香港一段長時間,佢都先準備定大量簽名海報畀fans。等fans見唔到偶像一排,都望梅止住渴先,算唔話得喇!

其實佢呢晚做完嘢都已經好夜,但點都搞掂晒啲fans嘢先,然後匆匆上車離開。

 

Kelly好神心咁企街簽晒啲海報交低畀助手,應該係送畀啲fans嘅。

 

據講,Kelly用咗近兩萬蚊聘請私人司機,並以七人車接送佢出入,因而被指忽然富貴。

tvb4life 發表在 痞客邦 留言(0) 人氣()