So Comment

澳門婆仔屋葡菜大躍進  Albergue 1601 地址:澳門瘋堂斜巷 8號 電話: 853-2836 1601(甲) (蘇施黃)

贊助商連結

二次世界大戰,婆仔屋收留咗好多難民同窮人,因為住咗好多婆婆,所以叫「婆仔屋」,有兩間葡式嘅屋,中間係個小花園,有一棵靚到飛起嘅老樟樹,樹身都長滿葉,整個地方好有味道。

婆仔屋……

一間屋做了藝術展覽,另一間屋就係葡國餐廳 Albergue 1601。餐廳有兩層,座位主要喺二樓,一定要去吓個廁所,好乾淨不過絕對係二百年前嘅門。坐喺窗邊開住窗望住大庭院嘅樟樹,心曠神怡。







食物……

之前食物普通,但係自從 John Keys去咗做經理,服務同食物都進步很多。 John以前喺「葡國美食天地」做的,亦係我常去嘅一間葡餐廳。




白酒煮蜆這個就遠遠不及「葡國美食天地」了。


馬介休球超好食!魚同薯嘅比例好啱。


豬耳沙律不喜歡切粒,味道太酸,芫荽可以多一些。


燒八爪魚 必食先將八爪魚鬚切開,大大粒,正!燒得又香,但肉仍然好 tender,連薯仔都好食。


葡腸釀菇葡腸好香,加上融化的芝士,好味。


燒沙甸五、六月正是當造,非常肥美,正!


燒乳豬唔錯,比澳門其他好多店好,嗰幾片薯片比平常的厚,好食。


非洲雞非常惹味。


燒豬肋骨可以改進,燒得太乾。


呢碟最正呀(^_^)連啲橙同蘋果都好好食 總括:

我係一個麻麻哋鍾意葡國食物的,但係 Albergue 1601地方內外都超正! 120分!!!
加上食物愈來愈好,並且價錢 ok,平均每人大概二百蚊,麵包好食!記得叫 jar Sangria嘆㖭!

Albergue 1601 

地址:澳門瘋堂斜巷 8號
電話: 853-2836 1601、 852-8103 1601

蘇施黃

資深電台人,天生異「口」,除了講嘢叻,食嘢同樣嘴刁,近年開咪、上電視做主持都不離教人食得精,吸引大批粉絲跟佢搵食。

攝影:蘇施黃

    tvb4life 發表在 痞客邦 留言(0) 人氣()