Gin曾經自我中心及不懂與人溝通,經過多年努力克服了自己的缺點,「一間公司需要與唔同同事合作先可以做得好,最緊要係互相尊重及信任,有啲同事係舊公司過嚟幫我,都跟咗我 3、 4年,多得佢哋公司先有穩步嘅發展。」

青雲路 Premium Position

自組公司 財富顧問專攻日韓客

贊助商連結

很多人都說讀好書將來找到好工作,但讀書可能只是一張入場券,還要經過個人的努力才能成功。
80後的 Gin在中學時可說是高材生,但缺乏社交技巧,升上大學後決心改善自己的弱項,更投身財富管理的事業。
16年,他成為鼎成財富管理有限公司的行政總裁,主攻東南亞地區,如日本、韓國等地客戶,提供財富管理及資產增值服務。

32歲的 Gin現時是鼎成財富管理有限公司的 CEO,主要負責統籌公司各團隊的工作,他表示公司主要服務客戶是來自東南亞國家市場,「我哋幫客戶提供財富管理方案及顧問服務,例如客戶手上有一筆錢,會就佢想達成嘅目標回報,提供合適嘅理財建議,令到財富增值。同時我哋手上有會計、保險、基金、債券及信託等唔同嘅部門及服務,根據客戶嘅需要,挑選適合嘅投資產品畀佢哋。𠵱家公司 7成客戶係日本人, 2成係韓國人,其餘係本地及國內客戶。」




公司主要市場在日本及韓國, Gin每月約有 7至 8日會飛往國外,與當地的客戶及合作夥伴見面。


擔任鼎成財富管理有限公司 CEO的 Gin,主要工作是統籌公司各部門的合作,及定下將來的發展方向。 自我中心常撞板


Gin表示他們會親身飛往日本,與當地的一些合作公司開辦講座,介紹香港不同投資產品的優劣之處。

會考 8A、高考 3A的 Gin,讀書成績亮麗, 07年,他修讀香港中文大學計量金融學及風險管理,他直言當時自己是一名書呆子,「成個中學時期都係狂咪書,冇乜社交活動,當時覺得自己成績好,好自我中心。升到大學時先發現咁樣唔得,搞活動成日撞板,同組員又溝通唔到,有反省到想去改善溝通技巧。喺 yr. 2我仲考咗保險、證券嘅牌照,同時考緊 CFP投資證書, part time去做財富顧問,逼自己接觸多啲人,訓練講嘢嘅技巧。」
11年畢業後, Gin加入了有財富管理部門的金融公司,全職做財富顧問工作,「最初係見到身邊有個同事幫日本客提供財富管理服務,我就好好奇,去了解當中有冇商機。我發現香港嘅投資組合回報係比日本吸引,首先稅制上,日本要收 55%嘅遺產稅,而香港就唔使;另外基金或者投資回報,香港普遍比日本高 2至 3厘利息,長遠嚟講會多咗唔少,亦問過接觸到嘅日本朋友,佢哋對香港嘅投資產品都有興趣。」
期後 Gin開始主攻日本客戶,「初起步時我喺 google search日本有邊啲財富管理公司會涉獵海外投資,我直接聯絡呢啲公司,自薦可以提供香港嘅投資組合,再從而接觸有興趣嘅客戶。我哋會飛過去同佢做初步會面,我唔識日文,會搵識日本嘅拍檔一齊去傾。」

花時間建立關係


平時 Gin會與客戶透過視像通話保持聯絡,身邊的同事除了懂得金融知識外,亦要懂得日文及韓文,方便即時溝通及翻譯。

雄心壯志的 Gin,初時常常撞板,經過多番努力才慢慢摸到要訣,「接觸客戶 2、 3次,見到對方冇意欲就冇再跟進,搞咗近半年都傾唔成 1單生意。我問番啲日本朋友,佢哋講日本人幫唔幫襯你,好着重人與人嘅關係,要建立信任需要較長時間,好似喺冇人介紹下至少要接觸 3個月至半年,先會有信任基礎。之後我會透過社交 app及視像會議同佢哋保持聯絡,佢哋有疑問,都易啲搵到我,就算喺假日,最好半日內覆到佢哋,慢慢就搵到第一批日本客戶。有啲產品可以海外購買,如果唔係佢哋就要親身由日本過嚟香港。當建立到口碑,佢哋轉介身邊嘅朋友畀我,傾得成嘅時間就快好多。」

搵外語人材難


現時公司 7成客戶是日本人, Gin為方便兩地的合作,他聘請了一些日本人作為公司員工。

16年中, Gin與友人合資創立鼎成財富管理有限公司,建立自己的團隊,主力發展海外市場,「由拎牌、租地方、招聘人手都係自己搞掂,行政上嘅鎖碎事務都幾勞心勞力。我哋主要攻日本客戶,要搵識日文嘅專業人才係難題,透過獵頭公司及身邊朋友介紹,先搵到考咗香港 CPA(專業會計師牌照)嘅日本人,熟悉兩地稅制,𠵱家嘅同事都係識日文、英文等語言。」
公司成立約 1年, Gin表示管理資金接近 5億港元,除了日本市場外,今年亦打算擴充韓國市場,「韓國近年發展好快,多咗一班手上有唔少流動資金嘅人士,佢哋想搵財富管理人員幫佢資產增值,人手上會請識韓文嘅員工幫手。」

鼎成財富管理有限公司  http://www.gransingwm.com 

點入行?

Gin身為鼎成財富管理有限公司行政總裁,年薪超過 100萬,他表示公司會繼續擴展團隊,歡迎有興趣的人士加入,「唔一定要讀金融科目,我哋會邊工作邊教佢,但要考番相關嘅牌照。我哋客戶多數係外國人,讀語言嘅人士會有加分,例如識日文、韓文會優先考慮。我哋需要不時去外國見客,或者客戶來港會面,行程、住宿都要我哋去安排,所以做事細心及有條理會較好。初入職人士可成為業務拓展員,月薪約$15,000至$18,000。」

撰文:曾志恒
攝影:林文樂
部分圖片由被訪者提供

 

文章標籤

tvb4life 發表在 痞客邦 留言(0) 人氣()