田蕊妮晒白滑美腿搶鏡

贊助商連結

近日忙於拍無綫台慶劇《誇世代》嘅田蕊妮(阿田),劇中擔正做歐陽震華(Bobby)個老婆凌潔茹,有大膽牀戲之餘,又要同吳業坤玩「姊弟戀」,更要嘗試做多種職業,包括:主持人、記者同演員,演技上都幾大挑戰。好在,「老公」Bobby開工時,都會講吓有味笑話,緩和吓氣氛,等阿田冇咁大壓力,發揮都好啲。

日前,東姑喺觀塘泊車期間,就撞正田蕊妮拍緊《誇》外景,同場仲有江美儀同李佳芯(Ali)。當日飾演記者嘅阿田,起勢追住演醜聞多多嘅千金小姐Ali係咁鬧;而演Ali家姐嘅江美儀,就喺隔籬幫手勸交。雖然三個女主角年齡加埋過百歲,但都要着短裙上陣,令東姑目不暇給。當中就嚟四張嘢嘅阿田,更加係保養得宜,雙腿依舊白滑,絕對唔輸蝕比後輩Ali。

至於近日生濕疹嘅Ali,事後佢就向東姑透露最新病況:「呢幾個月天氣轉,啲濕疹開始生上面,好慘囉,因為我唔敢抓佢哋,同埋成日上妝罨住,搞到好痕咁囉,一抓又起粒粒。我試緊啲中藥,其中一個中醫話我要清咗感冒底先,但食完嗰啲中藥,個人好攰,加上呢排又忙開工,睇咗一次就冇睇嘞。」希望「女神」早日康復,繼續拍多啲好嘢慰藉吓班宅男啦!

已經三十九歲嘅人妻田蕊妮,呢日着上黑色短裙仔,要喺停車場上狂跑,不經意咁晒一雙白滑靚腿。

 

當日,阿田同十幾個臨記記者追訪Ali﹙圓圖﹚,佢一開始就連珠發炮,一臉惡形惡相。

 

四十有五嘅江美儀,同樣晒出一對白滑長腿,不過拍攝前,佢就貪舒服踢拖上陣,不拘小節。

 

田蕊妮早輪同吳業坤(左)拍完《迷》後,呢排再合作拍新劇《誇世代》,劇中仲大玩「姊弟戀」。

 

開工時,阿田嘅「老公」,Bobby會講吓有味笑話,緩和吓氣氛,等「老婆」冇咁大壓力,發揮都好啲。

tvb4life 發表在 痞客邦 留言(0) 人氣()