胡鴻鈞一哥待遇

贊助商連結

啱啱廿七歲嘅胡鴻鈞,開始有運行,近日同門嘅許廷鏗將離開,並盛傳佢接棒做「星夢一哥」,所以備受力捧,推出新歌〈情人自擾〉之餘,跟手又拍埋MV,早前仲為新劇《降魔的》擔任第二男主角,最近更有份演出五十集重頭新劇《誇世代》,工作多籮籮,一洗昔日嘅霉氣。

日前,東姑去深水埗歎消夜,就撞到胡鴻鈞同馬明拍《降魔的》外景,兩男似乎好有默契,幾take就拍完。而埋位前,東姑就見到先後有三名工作人員,幫胡鴻鈞拎化妝鏡同換戲服,服侍得相當周到,上位做「一哥」,果然今時唔同往日。

跟手就有兩名工作人員幫胡鴻鈞笠上老西嘅戲服。

 

胡鴻鈞埋位前,有男工作人員手執化妝鏡畀佢照。

 

《降魔的》係一套科幻劇集,胡鴻鈞飾演由石頭變身出嚟嘅精靈,因發現的士司機馬明嘅血,可以用嚟降魔 妖,於是就搵埋佢一齊去降魔。

    全站熱搜

    tvb4life 發表在 痞客邦 留言(0) 人氣()