關楚耀搵「咖啡」治情傷

贊助商連結

早前,關楚耀(Kelvin)落力宣傳新歌〈死亡之吻〉,隔咗三年先再推出新歌,東姑真係等到頸都長埋。Kelvin就同東姑講,啱啱喺年頭先同韓模女友Miu Kim分咗手,當時仲係錄緊呢首新歌,好鬼應景。

不過,Kelvin話即使係分手,男人都應該忍住淚水:「嗰陣時,咁啱感情受到挫折分手,成個人感覺低落,但係作為男人, 眼淚應該喺心裏流,我特別感受到男人嘅辛酸⋯⋯不過,感情要講timing,勉強冇幸福,唔好嘥大家時間。」除咗同女朋友分咗手之外,日前,Kelvin仲同台灣一齊經營飲食嘅partner,有啲拗撬,似乎好唔順利喎!

據東姑所見,Kelvin雖然感情同事業都遇到挫折,但係佢近日依然心情大靚。原來,佢早排約咗Coffee(林芊妤)一齊去玩瑜伽;而有Coffee做導師,Kelvin玩得靈舍醒神兼特別起勁,仲時刻都笑容滿面添,睇嚟真係乜嘢煩惱都拋諸腦後。

有Coffee從旁指導做瑜伽,關楚耀特別醒神,仲要做得唔錯添!

 

一開始時,關楚耀都顯得有啲吃力,倒吊嗰個動作,仲搞到成塊面紅晒。

 

雖然關楚耀嘅筋骨唔算係好柔軟,但係基本嘅動作佢都做到。

 

關楚耀見到Coffee,輕易咁擺隻腳上頭,當堂嚇咗一跳。

    全站熱搜

    tvb4life 發表在 痞客邦 留言(0) 人氣()