Gloria喜歡調配各種花茶,「中式養生茶及西式花茶我都好鍾意,設計咗獨立茶包,方便大家隨時沖嚟飲。」

創業通

賣 Mix & Match養生花茶包 兼做回禮生意

贊助商連結

女孩過了 25歲後要好好保養,才可以令衰老速度減慢。其實不只女士,不少男士及年輕一輩,近年都開始注重自己的健康,並從飲食習慣開始下工夫,令身體年年 25歲! 80後的 Gloria,自小受媽媽的影響,特別喜歡茶,不論中式養生茶,還是西式花茶的功效,她都瞭如指掌。去年,她與友人開設專賣養生茶包的網店, 3個月後發覺反應不俗,更乘勝追擊,在觀塘東廣場開設實體鋪好茶養生,這裏設置自選茶 bar,讓客人親自 mix and match調配合適自己的花茶。

「金盞花可以防敏感,對鼻敏感都適用;桂花雪梨及桂圓紅棗比較滋補及潤,轉天氣最啱飲。」 Gloria與朋友開設的好茶養生,賣中式養生茶如陳皮燉檸檬、氣血茶及明目茶等,另有西式茶如蜜桃粒粒茶、美肌水療茶及各式花茶,種類繁多,一年四季都適合,全部獨立包裝,十分方便。
因客人對花的喜好各有不同,故 Gloria在店中設置自助配搭位置,讓客人可以像夾糖般,選擇不同的花茶組合,調配出自己喜歡的味道,每包茶包由$15起,一盒 15包裝則售$120起。「客人揀嘅同時,我都會畀建議,好似果粒比較酸,唔適合配薰衣草等味濃嘅花茶。」
Gloria喜歡喝茶的習慣乃自小培養,「媽媽好鍾意沖中式養生茶,所以我自細開始對茶已有認識,好似杞子圓肉茶對眼好,令我嘅近視及散光都有改善。」本從事服務業的她,在工作期間接觸到歐洲西式的花茶,「玫瑰花茶、洋甘菊茶、薄荷茶等西式茶比起中式茶偏淡,但比較香及靚,容易啲令人放鬆。」




蘋果花玫瑰茶客人可以自行配搭喜歡的西式花茶。每 50g/$80


店中有售歐洲花茶獨立茶包, Skin Spa美肌水療茶含有粉紅玫瑰、金盞花、蘋果花、茉莉花,可促進肌膚光滑彈性、滋潤和修復肌膚。 10包裝/$128


每逢節日, Gloria都會構思不同的點子推出禮盒,「要 keep住諗,有時覺得上一次已經係最好嘅 idea,好難突破自己。」 Gloria留意到近年興保鮮花,所以臨近母親節,店內可以購買保鮮花束。每束$320


桂圓紅棗茶有補血補氣、安心養神、溫中補脾及美容養顏的功效。


15袋裝/$120


金桔檸檬黑糖茶加了水溶性膳食纖維,有助促進腸胃蠕動。


每顆$10 配搭出創業路


Gloria於店中設置自助 mix and match花茶角落,客人可以選擇自己喜歡的口味,「當中包括粉紅玫瑰、紫玫瑰、蘋果花、洋甘菊、金盞花及洛神花等。」

迷上不同茶種的 Gloria,更開始配搭不同的口味,「每次都係一大包花咁買返嚟,我會再同朋友交換,換換下又想試下自己 mix,好似玫瑰蘋果茶,係花茶加果茶,味道都唔錯。」朋友覺得 Gloria調配的花茶組合新鮮,因有不錯的迴響,加上她注意到近年香港人開始着重養生,便萌生創業的念頭。
Gloria表示在香港少有獨立包裝的花茶包,及款式選擇上也比較少,故她打算以便利為大前提,推出一次性的獨立花茶包。她與朋友於 15年尾決定開設網店,先試市場反應,再考慮之後發展,「開業前,我哋試咗約 10間茶嘅供應商,先搵到間啱心水。我哋希望提供新鮮嘅材料畀客人,好似揀紅棗唔可以揀淡味、茶要睇顏色及試鮮味等。」

實體店有助交流

她們推出了約 20款茶在網店發售,第一批貨在 4星期內售罄。開業 3個月來的成績不錯, Gloria認為打鐵要趁熱,雖怕有風險,但未等回本已決定開實體店,「我想擴大客人嘅層面,吸納埋唔鍾意網購嘅客人。直接同佢哋交流,可以當面拎到 feedback,試過有客人反映,如果有禮品裝,一次過有幾種茶款,送畀人都靚啲,我覺得唔錯,於是推出咗組合裝。」
Gloria有考慮在旺角開店,但她想主打本地人客而非旅客,認為觀塘會較為適合,「加上東廣場最近翻新,地下呢層多咗好多食店及小店,聚齊起嚟會有協同效應,幫助到宣傳。」




Gloria(右)會了解客人的需要,就其體質而推介合適的茶種。


好茶養生的實體鋪位於觀塘的東廣場,四周有不少食肆及小店,每逢午飯時段便會很多人, Gloria表示每日大約賣 30至 40盒茶。


Gloria平日行街及去旅行時,都會留意不同貨品的包裝及設計,希望取得靈感,日後可應用。 回禮禮品賓客受落

16年開實體店後, Gloria機緣巧合地接到婚禮訂單,「朋友結婚,佢提議用我嘅茶包做回禮禮物,得體又實用。呢次係我第一單嘅婚禮訂單,反應好好,平時婚禮嘅回禮禮物,好似糖及餅都會好多人留低喺枱面,但嗰次新娘想睇下宴會場地有冇人留低,可以自己拎返去沖嚟飲,點知全部清晒!」
在朋友介紹下, Gloria開始接婚禮訂單,她更嚴選了幾款中式及西式茶,如蜜桃粒粒茶、桂圓紅棗茶、三清薄荷、玳玳花茶及茉莉玫瑰等,「我會揀適合男女老幼嘅茶種,唔會揀減肥茶,新人可以揀兩至三款用嚟做回禮。」此外,她透過人傳人的口碑及網上宣傳,接到不少公司訂單,將茶包用作活動禮物。回禮禮物加機構訂單令公司的收入多了近 3成,現時月賺約 5萬。

季節性茶款

各個季節都會有不同的茶種大賣, Gloria說:「最近轉季,好多人買陳皮燉檸檬,因為可治多咳、喉嚨痕,開聲好有用;冬天時,客人着重暖胃補身,薑類會受歡迎,如紅糖薑茶、黑糖等;夏天要清熱降火,多人買袪濕茶、水果茶,例如蘋果花茶。」
Gloria表示並不是所有茶種的銷情都理想,「桃花茶比較少人鍾意,賣得好少,𠵱家已經停賣。」另外,每逢節日如聖誕節、新年及母親節, Gloria都會因應節日而推出禮盒,「母親節我哋會推出母親節禮盒,隨盒會附送小咭,仲會賣埋保鮮花,方便客人。」




除了花茶外, Gloria還喜歡與花有關的產品,最近推出了薰香寧神包,有助令人放鬆,提高睡眠質素。每盒兩包/$120


Gloria表示會接婚禮回禮禮物的訂單,店中亦提供中西式的包裝讓客人挑選。


黑糖薑棗膏,可以驅寒、暖宮、益氣、補血及暖胃,女士經後補血最為適合。 480g/$180 

Michelle 客人
因為知女仔要飲多啲水,但又唔想咁淡口,所以自己特別鍾意飲花茶。我好鍾意呢度嘅黑糖薑棗膏,功效係補血及暖胃,可以減輕經痛,我覺得改善咗好多。

開業成本
租金(兩按一上):$60,000
入貨:$100,000
裝修:$200,000
倉租:$ 30,000
包裝:$ 10,000
運輸:$ 15,000
總投資:$415,000

每月收支
營業額:$170,000
-租金:$20,000
-人工:$40,000(全職員工 1位+4位兼職+老闆 2位)
-入貨及雜費:$60,000
=盈利:$50,000

facebook@hochahk
網址: http://www.hocha.hk 

撰文:霍芷晴
攝影:林文樂

 

文章標籤

tvb4life 發表在 痞客邦 留言(0) 人氣()