課堂上, Lewis(右)會教學員自製小道具,方便拍攝,「拍攝通常會用反光板,我會教學員自製白色、銀色及黑色嘅反光板,方便應付補光及阻光嘅情況。」

上 COURSE

學商品攝影 吸睛吸客冇難度

贊助商連結

大型廣告板、商場廣告、網上廣告等,有商品推銷時,便需要商品攝影。
加上近年年輕人愛創業,為節省成本,很多老闆都親自上陣擔任商品攝影師。
能否吸引客人,很多時取決於對商品的第一印象,所以燈光、色差及擺位都十分重要,高下立見就在這些細節。
青協持續進修中心與藝風多媒體創意學院合辦了商品攝影技巧訓練課程,教學員拍攝商品所注意的技巧及事項,要呃 like都易啲!

課程導師 Lewis擁有 15年以上攝影經驗,不論婚照、廣告及時裝攝影等範疇都有涉獵,「課程會由基本功開始教起,例如打燈嘅方法、 set燈嘅角度、用燈嘅種類、攝影道具嘅介紹等。我哋更會集中教學員應付唔同物料嘅商品時,所需嘅攝影技巧。拍攝時亦需注意偏色問題,因為商品拍攝,像真度高好重要,為免客人會買咗與圖不符嘅商品。」

不同物料不同影法

課堂上, Lewis先教理論,再向學員示範,「好似反光物料、透明物料及鏡面都有唔同做法,反光物料係喺高角度或者低角度影,如果一定要正面,就要靠後製執走自己個反影;影透明物料時,通常喺產品後或下面打燈,分析光源及光嘅折射,搵出一個合適嘅位置。」 Lewis還會教學員使用 photoshop作簡單的退地及基本的執相技巧。




Lewis(右)會在課堂上使用各種器材,教學員就不同物料的商品,設置相應的場景。


課堂上,導師會教學員利用不同顏色的 gel紙,來製造不同光的效果。


Lewis表示商品攝影會用到不同的影樓燈,學員會學習如何使用。


可試接 freelance

除了廣告行業需要商品攝影師外,現今網店處處,不少老闆都身兼攝影師拍攝商品, Lewis表示:「影靚件商品都會賣得快啲。修畢課程後,學員可以試吓接 freelance,一般化妝品及珠寶行業最需要商品攝影,以件數收費,每件由$100至$2,000不等,連執相服務。」




除了拍攝技巧外,後製工夫亦很重要, Lewis會教學員簡單基本的 photoshop知識,「到日後佢哋有機會接 job,對執相都會有一定嘅認識。」


Lewis表示鏡面和反光的物料相對地難處理,「一般要攞高角度或者低角度,正面影時,就要盡力避走自己個身影,或者後製執相解決。」 

導師  Lewis
學員由 18到 50歲都有,但大部分以男士為主。當中有大學生、退休人士、家庭主婦及創業人士。上堂時,我會畀學員分組,然後親身嘗試影相,返屋企時再練習執相,咁先會有進步。



學員  Man
我做 marketing,平時都會搵商品攝影師,見佢哋搵道具及影相嘅過程好得意,所以有興趣嚟了解多啲。我讀咗 1年,覺得打燈及擺位都有好多學問, Lewis會 train up我哋嘅 photo sense,𠵱家我都會接商品 freelance,希望愈嚟愈有進步。



藝風多媒體創意學院會長  Bill
我哋同青協都覺得𠵱家攝影愈嚟愈普及,好多人會買部相機嚟影 product,但有好多都係冇乜技巧。見市場有需要,就決定合辦商品攝影班,教學員專業嘅攝影技巧。

課程:商品攝影技巧訓練課程
機構:青協持續進修中心與藝風多媒體創意學院合辦
日期:第一班, 17年 6月 9日至 7月 14日,逢星期五;第二班, 17年 8月 18日至 10月 6日,逢星期五。
堂數:共 6課
費用:$2,400
內容:教授商品拍攝導論、商品拍攝常用器材介紹、商品放置的位置、角度教學、選擇拍攝背景、構圖設置、閃光燈及捕捉光源等技巧。
查詢: 2130 4000

撰文:霍芷晴
攝影:林文樂

 

    tvb4life 發表在 痞客邦 留言(0) 人氣()