Noel會教授基本的寶石鑑定知識,「例如睇鑽石嘅切割,入面有冇雜質等。」

學海無涯

啱 DSE畢業生報讀 入行做珠寶設計師

贊助商連結

香港的珠寶業一直表現出色,在亞洲排行第 4及世界排行第 8,近年亦發展為重要的珍珠貿易及分銷樞紐,是一個可持續發展的行業。 DSE畢業生或有志投身珠寶行業者,可選擇報讀仁愛堂所開辦的珠寶設計基礎證書課程,學習珠寶行業概覽、設計繪畫技巧及珠寶成分等,入行成為珠寶設計師。

課程由擁有 16年珠寶行業經驗的導師羅志平( Noel)任教,他表示課程理論與實踐並重,適合 DSE畢業生報讀。「課程會教授整個珠寶行業嘅概覽、認識各種珠寶成分,例如金屬、寶石、 4C( Cut、 Carat、 Clarity、 Color)等,亦會教授基本的寶石鑑定及設計的方法技巧,然後會畀學員實戰,由零開始設計珠寶首飾,最後每位學員都要分享創作成果及心得。」




Noel表示學員於課堂上可利用個人的獨特性或透過觀察身邊的事物,融入於珠寶設計中。


課堂上,導師會教授使用不同的設計工具,例如手串圈(上)、陰陽線(下)及放大鏡。 利用自身獨特性

Noel表示珠寶設計較重視作品的獨特性,學員可利用自身的獨特性來啟發設計靈感,「課堂前半部分,我會要求同學分享自己嘅故事或優秀之處,用自己最 uniqueness嘅嘢做靈感,例如學員係鍾意夾 band,可以用 band做題材;或者留意身邊嘅事物,甚至一個橙都可以成為靈感嘅來源。之後學員做資料搜集,搵相關嘅圖片作參考,研究外形及所需嘅物料,然後畫 10幅作品,再從中挑選一幅嚟做 final sketch,加以修改。」




每件珠寶設計都包含多種元素,例如漸變、突異、對比及重複等。漸變是圖案由大變小,突異是大石拼細石,對比可以是顏色的變化,重複則是重複的圖案。





4大領域



圖為學生作品,以樹根為主題的設計。

Noel希望透過課程讓學員明白珠寶設計的 4大領域,對投身珠寶行業有很大幫助,「第一個領域係 OEM(代工),即只負責倒模、執石及打磨等工作,唔包含設計成分;第二個領域係 ODM(原設計生產),包含設計以及代工嘅工作。第三個領域係 OBM(自家品牌),即發展出自己嘅品牌,並有註冊商標;最後係 OSM(銷售策略),屬於 sale嘅層面,點樣令客人選擇你嘅設計。」

着重 Portfolio

修畢課程後,學員可選擇投身珠寶行業,成為珠寶設計師,起薪點大約$10,000起,或選擇繼續升學,修讀進階課程或珠寶鑑定課程。 Noel說:「其實珠寶行業唔太重視學歷,反而着重個人嘅 portfolio,即自己所設計嘅作品。所以學員喺課堂上畫嘅作品可用嚟做 portfolio,對將來就業及升學都好有用。」另外,表現優異的學員可到 Noel的公司實習。



Noel 導師
學員多數係 18至 26歲,有好多係考完 DSE嘅學生嚟報讀,佢哋希望喺珠寶業發展。另外,珠寶行業重視 portfolio,要入行就一定要整靚個作品集。



Kelly 課程主任
香港嘅珠寶行業一直都有唔錯嘅發展,但有關嘅課程唔算多,所以想開辦課程培訓更多珠寶設計嘅人才,亦想為 DSE學生開拓多一條出路。

課程:珠寶設計基礎證書課程
機構:仁愛堂 YES專業進修課程
地點:深水埗長沙灣道 202至 204號瑞星商業大樓 6樓
日期: 11/7至 4/8(逢星期二、五)
堂數: 8堂,共 16小時。
費用:$2,380
內容:珠寶行業概覽、寶石的分類及珠寶成分、設計技巧及繪畫技巧、設計及繪畫練習、設計及繪畫練習、設計繪畫及上色、銷售技巧、學生分享創作成果及心得。
查詢: 2155 3809/ 2155 2068

撰文:邵苑雯
攝影:葉偉豪

 

    tvb4life 發表在 痞客邦 留言(0) 人氣()