單文柔背陳展鵬偷冧大隻仔

贊助商連結

今屆嘅落選港姐單文柔,以前大家未必識,但爆咗佢同陳展鵬喺山頂幽會之後,東姑相信都冇乜人唔識佢喇!報道出街之後,兩個夾晒口供唔認拍拖,但係傳聞展鵬都好維護女方,私下向無綫高層認戀,承擔責任。

不過,單嘢之後,展鵬走咗上北京拍《天命》,睇怕佢哋都冇乜時間培養感情。而早排一個無綫嘅宣傳活動之後,東姑就發現,單文柔約埋一齊出席活動嘅兩個港男,去咗附近餐廳開餐聯誼。本來一班人聚會,的確冇乜特別,至弊畀東姑留意到,單文柔同大隻仔港男馬俊傑特別投契,等位期間,兩個人已經匿埋一邊「吱吱斟」,甚至坐到埋枱,佢哋都繼續排排坐傾到「雞啄唔斷」,全程簡直當晒其他人冇到。直至食完嘢,馬俊傑仲似足「觀音兵」,送埋「娘娘」先捨得走,似乎好識喺單文柔面前,表現自己嘅風度!

據東姑所知,今年班港姐同港男,私下時有見面聚會,單文柔同馬俊傑平時都有唔少接觸機會,「視帝」展鵬雖然條件好,但係成日開工唔得閒,再者,又冇公開承認過同單文柔拍拖,難保唔會有勁敵o架!

宣傳活動之後,單文柔約埋幾個港姐、港男,去附近餐廳食嘢,但係等位期間,見佢同馬俊傑特別好傾。

 

單文柔同馬俊傑好傾到完全唔理其他人,完全沉醉喺佢哋嘅世界中。

 

馬俊傑係今年嘅落選港男,報稱職業係模特兒,佢身材健碩,操到手瓜起(月展)。

 

陳展鵬呢排要忙住開工拍新劇《天命》,真係冇乜時間同單文柔培養下感情。

    全站熱搜

    tvb4life 發表在 痞客邦 留言(0) 人氣()