姜皓文粉絲窩心鼓勵

贊助商連結

曾志偉喺「金像獎」頒獎禮上,打低咗秦沛、吳孟達、姜皓文同廖啟智,攞咗最佳男配角,佢喺台上衝口而出嘅一句:「黑仔,畀心機,我一部撼你廿六部,跟住就係你喇,知唔知呀?」禍從口出,於是有人覺得志偉係寸緊黑仔,暗示佢拍咗咁多套都攞唔到。因此,即使「金像獎」已經隔咗一段日子,但係志偉口出「狂言」嘅風波仍沒完沒了。

其實,姜皓文雖然失落咗最佳男配角,但係喺一班粉絲心中,佢一早已經係「最佳男主角」!最近,姜皓文好開心咁樣同東姑分享,佢話之前有一個男粉絲,專登寫咗一張鼓勵嘅便條,然後放咗喺佢車頭,睇完之後佢真係好感動。

入行三十一年嘅姜皓文,粗略計拍過逾五十部電影,所以咁多年來儲埋唔少粉絲。八六年,參加亞視「電視先生選舉」攞亞軍而入行嘅佢,縱然已經五十一歲,但係身形依然fit爆,所以成日孖住老婆殷寧(原名:金慧英)出國同陽光玩遊戲。而出名錫老婆嘅佢,曾經多次喺訪問中多謝老婆:「攞唔攞到獎都要多謝老婆,因為佢歇斯底里支持我嘅演藝事業,佢好體諒,無論我收入幾多依然唔畀壓力,令我放心去闖!」

姜皓文同老婆最愛同陽光玩遊戲,早前佢兩個就去到馬爾代夫,盡情享受日光浴。

 

住過兒童院嘅姜皓文,年紀輕輕就投身社會,水電、裝修、酒樓、跑龍套等通通做過,所以佢好懂得珍惜

 

雖然最佳男配角畀曾志偉攞咗,但係喺姜皓文粉絲嘅心目中,偶像先至係實至名歸。

 

之前,就有粉絲喺姜皓文架車上面,留咗一張打氣便條,令佢甜在心頭。

 

今年,姜皓文憑《樹大招風》入圍「金像獎」嘅最佳男配角,最後輸咗畀曾志偉。

全站熱搜

tvb4life 發表在 痞客邦 留言(0) 人氣()