蕭定一老婆街頭發惡

贊助商連結

近年,蕭定一搞作多多,收購咗周秀娜嘅經理人公司後,又吸埋周柏豪同連詩雅所屬嘅model公司,跟手再用四億買咗音樂連鎖店HMV,大展拳腳。一個男人可以全心全意去發展自己嘅事業,背後肯定有一個賢慧嘅妻子。一〇年,蕭定一同模特兒陳敏結婚後,生咗一女及一對孖仔,出名係「愛妻號」,早排難得放假,佢梗係留番多啲時間陪老婆啦!

日前約十二點,東姑喺銅鑼灣撞到蕭定一同老婆帶住大女蕭熵芷,同行未見一對孖仔蕭燁己同蕭燁人。現場所見,素顏嘅陳敏拖住囡囡已經慢慢行,點知蕭定一竟然以龜速前進,慢到令到老婆非常之唔耐煩,於是皺晒眉頭問囡囡點解唔拖住爸爸。醒目嘅蕭定一見到老婆咁忟憎,火速跑上前三人行,令老婆仔下番啖氣。

蕭定一以龜速行走,令到老婆大人嬲爆爆。

 

蕭定一話頭醒尾,即刻拖住個女三人行。

全站熱搜

tvb4life 發表在 痞客邦 留言(0) 人氣()